ណាហ្គា និង ស្វាយរៀង ឡើងវគ្គផ្តាច់ព្រ័ត្រពាន Hun Sen Cup

2017-12-17 13:32:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខ្លាំងណាហ្គាវើល និងព្រះខ័នរាជស្វាយរៀងបានឡើងទៅជួបគ្នានៅវគ្គផ្តាច់ព្រ័ត្រនៃពានរង្វាន់ Hun Sen Cup ឆ្នាំ២០១៧នេះ បន្ទាប់ពីបានយកឈ្នះគូប្រកួតរៀងៗខ្លួន។ ការប្រកួតជើងទី២នេះ ណាហ្គាវើលបានឈ្នះបឹងកេតដោយលទ្ធផល ៣-២ (សរុបទាំងពីរជើងបឹងកេតឈ្នះ ៤-២)។

ក្រុមណាហ្គាវើល

ចំណែកក្រុមព្រះខ័នរាជស្វាយរៀងបានយកឈ្នះអគ្គិសនីកម្ពុជាទាំងប្រផុតប្រផើយបំផុត បន្ទាប់ពីប្រើពេលរហូតដល់១២០នាទីទើបចប់។ ការប្រកួត៩០នាទីបំបូង ព្រះខ័នរាជស្វាយរៀង និង អគ្គិសនីកម្ពុជា បានបញ្ចប់ដោយលទ្ធផល ស្មើគ្នា ១-១។ លទ្ធផលនេះតម្រូវថែមម៉ោង១៥នាទីពីរដង។

ការបន្ថែមម៉ោងនេះ ស្វាយរៀងបានរកគ្រាប់បាល់ជ័យជម្នះនៅដើមម៉ោងថែម១៥នាទីដំបូងដើម្បីនាំមុខ ២-១។ បន្ទាប់ពីដៃគូនាំមុខ អគ្គិសនីកម្ពុជាបានព្យាយាមវាយសម្រុកយ៉ាងខ្លំាង ប៉ុន្តែមិនអាចបំប៉ោងសំណាញ់ទីស្វាយរៀងបានឡើយ។ ចប់ការប្រកួត ស្វាយរៀង ឈ្នះអគ្គិសនីកម្ពុជា ២-១ (សុបទំាងពីរជើងស្វាយរៀងឈ្នះ ៤-៣។

ដូច្នេះ ណាហ្គាវើល ត្រូវជួប ព្រះខ័នរាជស្វាយរៀង នៅវគ្គផ្តាច់ព្រ័ត្រដណ្តើមយកជើងឯក ខណៈបឹងកេតត្រូវជួបអគ្គិសនីកម្ពុជាដើម្បីដណ្តើមយកលេខ៣៕