រសៀល​ម្សិល​មិញ​នេះ កញ្ញា ឱក សុគន្ធកញ្ញា និង កញ្ញា សុគន្ធ និសា ព្រម​ទាំង​តារា ៣ នាក់​ទៀត គឺ លោក ឆន សុវណ្ណារាជ, កញ្ញា ទេព បូព្រឹក, និង DJ Stella Nutella បាន​ជល់​កែវ​​គ្នា ក្នុង​កម្មវិធី​សន្និសីទកាសែត​មួយ​ស្ដី​ពី​ព្រឹត្តិការណ៍ Hennessy Artistry Cambodia ប្រចាំ​ឆ្ នាំ២០១៤ នៅ​ឯ​សណ្ឋាគារ ណាហ្កាវើលដ៍ ។

អាន​អត្ថបទ៖ តារា​ខ្មែរ-ថៃ ច្រើន​ដួង​ជួប​គ្នា​ ល្ងាចមិញ

ការ​ជល់​កែវ​គ្នា​នេះ ​ក្នុង​នៃ​មួយ​បញ្ជាក់​ថា ពួក​គេ​នឹង​ចាប់​ដៃ​​គ្នា​ច្រៀង​ជា​មួយ​គ្នា​ឲ្យ​​​​ក្រុមហ៊ុន​ស្រា​ខាង​លើ ក្នុង​កម្មវិធី Hennessy club Series។ កម្មវិធី​មួយ​នេះ​មាន​​រយៈ​ពេល​ ៣ ខែ ​ចាប់​ពី​ថ្ងៃ​ទី ១៩ ខែ កញ្ញា ឆ្នាំ ២០១៤ រហូត​ដល់​ថ្ងៃ​ទី ០៥ ខែ ធ្នូ ឆ្នាំ ២០១៤ ដែល​​ប្រព្រឹត្តិទៅ​នៅ​តាម​​​ក្លឹប​កម្សាន្ត​ប្រណិតៗ​​ជា​ច្រើន ក្នុង​​រាជធានី​ភ្នំពេញ។ ក្លឹប​កម្សាន្ត​​ដែល​​​ពួកគេ​នឹង​ត្រូច​ច្រៀង​ ក្នុង​នោះ​រួមមាន​ Vito Retro club, Jet's Studio, The Voyage, Zeus, Nova, Friday Lounge,and EPIC club។

Hennessy Artistry Cambodia ឆ្នាំ ២០១៤ ដែល​ជា​ព្រឹត្តិការណ៍​ធំ​ចុង​ក្រោយ​នឹង​ប្រារព្ធ​ធ្វើ​នៅ​សាល​សន្និបាត​កោះ​ពេជ្រ នា​ថ្ងៃ​ទី ១២ ខែ ធ្នូ ឆ្នាំ ២០១៤ ដោយ​ក្រុម​ហ៊ុន​រំពឹង​ថា នឹង​មាន​ភ្ញៀវ​ចូល​ទស្សនា​រាប់ពាន់​អ្នក។ សំបុត្រ​ចូល​រួម​កម្មវិធី​ធំ​ប្រចាំ​ឆ្នាំ និង​ត្រូវ​បាន​ផ្ដល់​ជូន​ដល់​អតិថិជន​ដែល​ពិសា ស្រា Hennessy Artistry ទៅ​តាម​ចំនួន​កំណត់​​របស់​ក្លឹប​កម្សាន្ត​នី​មួយៗ​ខាង​លើ ឬ តាម​រយៈ​ការ​ចូលលេង https://www.facebook.com/HennessyCambodia។

អាន​អត្ថបទ៖ អាន​ហើយ​ពិត​ជា​គួរ​​ឱ្យ​ចង់​​សើច! ឈ្មោះ​ដើម និង​ ឈ្មោះ​ក្នុង​សិល្បៈ​​តារា​ល្បីៗ​​

នេះ​ជា​ឆ្នាំ​ទី ៥ ​ហើយ ​ដែល Hennessy Artistry ប្រារព្ធ​ធ្វើ​នៅ​ក្នុង​ប្រទេស​កម្ពុជា។ កាល​​ពី​ឆ្នាំ​ទៅ កម្មវិធី​ខ្នាត​អន្តរជាតិ​មួយ​នេះ បាន​ធ្វើ​នៅ​សណ្ឋាគារ សូហ្វីតែល។ មាន​តែ​តារា​ចម្រៀង​ខ្មែរ ២ នាក់ ​ប៉ុណ្ណោះ​ ដែល​ចូល​រួម​ច្រើន គឺ កញ្ញា វណ្ណ នីឡា និង លោក ប៉ុង ម៉ានិត ចំណែក​តារា​ចម្រៀង​បរទេស មាន​កញ្ញា ខាត់ទ្រីយ៉ា តារា​ចម្រៀង​​មក​ពី​ប្រទេស​ថៃ និង​ ក្រុម DJ មក​ពី​បរទេស​ល្បី​ឈ្មោះ​ជា​ច្រើន​នាក់​ទៀត។ ខាត់ទ្រីយ៉ា និង ម៉ានិត បាន​ច្រៀង​ជា​មួយ​គ្នា ប៉ុន្តែ​សម្រាប់​ឆ្នាំ​នេះ នៅ​មិន​ទាន់​ដឹង​ថា តារា​ចម្រៀង​ណា​ច្រៀង​ជា​មួយ​ចម្រៀង​ណា​​មួយ​នៅ​​ឡើយ​ទេ ៕

អត្ថបទ៖ ខុត សីហា