មាន ១៤០០០អឺរ៉ូ អាចមើលប្រកួត PSG vs Real ដោយផ្ទាល់បាន

2017-12-19 03:09:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំនួបវគ្គ១៦ក្រុមចុងក្រោយរវាង Paris Saint-Germain និង Real Madrid ទទួលការចាប់អារម្មណ៍ខ្លាំងរហូតសំបុត្រសម្រាប់ទស្សនាជើងទីពីរនៅទឹកដីបារាំងលក់អស់ទាំងស្រុងបើទោះជាការប្រកួតនៅសល់ជាង២ខែទៀតក៏ដោយ។

យ៉ាងណា អ្នកគាំទ្រនៅអាចអាចទិញសំបុត្រ តបានប៉ុន្តែក្នុងតម្លៃមួយខ្ពស់មែនទែនដែលសំបុត្រថ្លៃបំផុតនោះគឺ១៤០០០អឺរ៉ូក្នុងម្នាក់។ ក្លឹបអ្នកមានបារាំងបានប្រកាសលើគេហទំព័ររបស់ខ្លួនថា៖ "ពួកយើងសូមបញ្ជាក់ថាសំបុត្ររវាង PSG vs Real បានលក់អស់ ប៉ុន្តែអ្នកគាំទ្រអាចរកទិញសំបុត្រ.ត ពីគេហទំព័រលក់បន្តរបស់ក្លឹបបាន ក្នុងតម្លៃចាប់ពី ៣១៥ ដល់ ១៤០០០អឺរ៉ូ"។

មុនការប្រកួតនៅទឹកដី Parc des Princes ក្រុមយក្សទាំងពីរត្រូវប៉ះគ្នាជើងទីមួយនៅទឹកដី Estadio Santiago Bernabeu ថ្ងៃទី១៤ ខែកុម្ភៈ ហើយបើតាមគេហទំព័រផ្លូវការរបស់ Real madrid ក៏បានប្រកាសថាសំបុត្រទស្សនាផ្ទាល់បានលក់អស់ទាំងស្រុងដូចគ្នា៕