រសៀលនេះ មានការវាយលុកមេរោគកូរលើ Facebook ត្រូវធ្វើរឿងនេះភ្លាម បើច្រឡំចុចលើលីង

2017-12-19 08:58:13
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកប្រើប្រាស់ Facebook មួយចំនួន បានរាយការណ៍ឲ្យដឹងថា គណនីរបស់ពួកគេបានផ្ញើ Link (តំណភ្ជាប់) វីដេអូ ទៅកាន់គណនីដទៃដោយមិនដឹងខ្លួន ដែលសង្ស័យថាជាមេរោគមួយ។ អ្នកប្រើប្រាស់មួយចំនួនដែលទទួលបាន លីង នេះថែមទាំងបានចុចលើ លីង វីដេអូនេះថែមទៀតផង។

វិបសាយ MakeUseof បានណែនាំថា ប្រសិនបើអ្នកបានចុចលើ Link ដែលអ្នកគិតថាជាលីងមេរោគនៅលើ Facebook គួរតែធ្វើការផ្លាស់ប្ដូរលេខសម្ងាត់គណនី Facebook របស់ខ្លួនជាបន្ទាន់។ អ្នកអាចប្ដូរលេខសម្ងាត់ដោយចូលទៅកាន់ Settings → Account Settings → Security and Login → Change password ។

មួយវិញទៀត អ្នកក៏គួរតែបង្ហោះ Status ប្រាប់ដល់មិត្តភ័ក្ដិរបស់អ្នកថាគណនីរបស់អ្នកបានរងគ្រោះពីមេរោគ ហើយមិនគួរណាចុចលើ លីង វីដេអូដែលគណនីរបស់អ្នកបានផ្ញើឲ្យនោះទេ។

បញ្ជាក់ជាថ្មីថាមេរោគ លីងវីដេអូ នេះទើបតែធ្វើឲ្យកក្រើកបណ្ដាញ Facebook ប្រទេសកម្ពុជា នៅរសៀលថ្ងៃនេះ ដោយមិនមានការលើកឡើងថាវាមានប្រភពមកពីណា និងកើតឡើងដោយសារអ្វីនោះទេ។ កន្លងមកក៏ធ្លាប់មានមេរោគប្រភេទនេះលេចចេញលើ Facebook ដែរ ដោយឃើញថាវាមិនមានផលប៉ះពាល់អ្វីធ្ងន់ធ្ងរដល់ម្ចាស់គណនីនោះទេ។ ប៉ុន្តែយ៉ាងណាក៏អ្នកជំនាញបានណែនាំថា គួរតែប្ដូរលេខសម្ងាត់ភ្លាមៗ ពេលដឹងថាគណនីខ្លួនរងគ្រោះដោយសារមេរោគ៕

ប្រភព៖ makeuseof ប្រែសម្រួល៖ សុខហេង