ធឿន ធារ៉ា ថាខ្លួនឯងមិនទាន់ល្អគ្រប់ក្បាច់នោះទេបច្ចុប្បន្ននេះ

2017-12-20 03:12:34
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវ័យក្មេងកំពុងសាងកេរ្តិ៍ឈ្មោះ ធឿន ធារ៉ា ថា បច្ចុប្បន្ននេះរូបគេមិនទាន់អាចថាជាជើងខ្លាំងនិងល្អគ្រប់ក្បាច់នោះទេ និងត្រូវការបទពិសោធជាច្រើនទៀតក្នុងអាជីពមួយនេះ។

ធឿន ធារ៉ា(ក្រហម)

ធឿន ធារ៉ា បានលើកថា ខ្លួនទើបតែចូលប្រឡូកក្នុងអាជីពឈឺខ្លួននេះបាន២ឆ្នាំនោះទេ ដូច្នេះមិនទាន់អាចថាល្អគ្រប់ក្បាច់នោះឡើយ ទាំងបទពិសោធប្រកួតក៏នៅតិចតួចផងដែរ។ កីឡាករមកពីខេត្តព្រៃវែងរូបនេះបន្ថែមទៀតថា ក្បាច់ដែររូបគេប្រើបានល្អនិងស្ទាត់ជំនាញនោះគឺកែង។

កីឡាករថៃសន្លប់ដោយផ្លែកែងរបស់ ធឿន ធារ៉ា

ម្ចាស់មេដាយមាសជើងឯកថ្នាក់ជាតិ២០១៧នេះបន្តថា ត្រូវប្រើពេលវេលាច្រើនទៀតដើម្បីសន្សំបទពិសោធលើសង្វៀនមិនថានៅក្នុងឬក្រៅប្រទេសទេ ហើយខ្លួននឹងប្ដេជ្ញាចិត្តខំប្រឹងហ្វឹកហាត់ឲ្យខ្លាំងស្នៀតផ្សេងៗទៀត។ បើសូរថាបច្ចុប្បន្ននេះចង់ជួបជើងខ្លាំងរូបណានៅកម្ពុជា ធារ៉ា ថា អត់ហ៊ានថានឹងចង់ជួបមួយណាស់ព្រោះពួកគេជាជើងចាស់ហើយល្អៗ ប៉ុន្តែបើកម្មវិធីតម្រូវឲ្យជួបនៅខ្លួននិងប្រកួត។

កីឡាករ ធឿន ធារ៉ា

ធឿន ធារ៉ា បច្ចុប្បន្ននេះគេទើបតែអាយុ១៩ឆ្នាំប៉ុណ្ណោះ គិតមកដល់ពេលនេះចូលវិស័យគុនខ្មែរបាន២ឆ្នាំមកហើយគេជាកីឡាករមកពីក្លឹបក្រសួងកសិកម្ម។ កីឡាកររូបនេះឧស្សាហ៍ចេញទៅប្រកួតនៅប្រទេសថៃ គេទើបឈ្នះមេដាយមាសថ្នាក់ជាតិ២០១៧នេះ ហើយប្រកួតចុងក្រោយផ្ដួលថៃឲ្យសន្លប់នៅសង្វៀនទៀតផង៕

អត្ថបទ៖ នួន ស៊ីណា