អ្នកបង្កើត GoPro បានប្រាក់ ១ ដុល្លារគត់ នៅឆ្នាំ ២០១៧

2018-04-27 11:15:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកបង្កើត GoPro លោក Nick Woodman ធ្លាប់ជានាយកប្រតិបត្តិរកចំណូលបានច្រើនជាងគេនៅឆ្នាំ ២០១៤ ដោយទទួលបានប្រាក់បៀវត្សរ៍សរុប ២៨៥ លានដុល្លារ ក្រោយពីក្រុមហ៊ុនរបស់លោកបានដាក់លក់ភាគហ៊ុនជាសាធារណៈ។

ដោយឡែកនៅឆ្នាំ ២០១៧ លោក Nick មិនទទួលបានប្រាក់បៀវត្សរ៍លើសពី ១ ដុល្លារនោះទេ ដោយសារ GoPro បានកាត់បន្ថយប្រាក់បៀវត្សរ៍ និង ដកហូតប្រាក់រង្វាន់ប្រចាំឆ្នាំរបស់លោក។

តាមរបាយការណ៍ប្រចាំឆ្នាំរបស់ GoPro ដែលចេញផ្សាយកាលថ្ងៃព្រហស្បតិ៍បង្ហាញថា Nick បានខកខានមិនអាចទទួលបានប្រាក់រង្វាន់ ១,២ លានដុល្លារ សម្រាប់ឆ្នាំ ២០១៧ ដោយសារឆ្នាំ ២០១៧ ជាឆ្នាំមិនល្អមួយសម្រាប់ GoPro មានទាំងការកាត់បន្ថយបុគ្គលិក និងការដកខ្លួនចេញពីជំនួញផលិត Drone ទៀតផង។

ចំណូលប្រចាំឆ្នាំ ២០១៧ របស់ GoPro មានចំនួន ១,១៨ ពាន់លានដុល្លារ ដោយចំណូលនៅត្រីមាសចុងក្រោយមានការថយចុះ ៣៨%។ ចំណែកការខាតបង់ប្រចាំឆ្នាំ បានឡើងដល់ ៥៦% បើធៀបនឹងឆ្នាំមុន ដោយខាតអស់ចំនួន ១៨២,៩ លានដុល្លារ៕

ប្រភព៖ CNBC ប្រែសម្រួល៖ សុខហេង