ចៀសបាន ចៀសទៅ ពេលរត់ហាត់ប្រាណកុំពាក់កាសឲ្យសោះ

2018-09-04 06:44:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្តាប់តន្ត្រីអំឡុង ពេលហាត់ប្រាណ អាចជំរុញផ្លូវចិត្តផ្ដោតលើការហាត់ប្រកបដោយប្រសិទ្ធិភាព ប៉ុន្តែការសិក្សាកន្លងមក មិនមានផលល្អនោះទេ។

១) ប៉ះពាល់ដល់ការស្តាប់

ស្តាប់តន្ត្រីលឺៗ ក្នុងរយៈពេលយូរអាចបង្កបញ្ហាដល់ផ្នែកខាងក្នុងត្រចៀក បាត់បង់តុល្យភាពការស្តាប់។

២) ហឹងត្រចៀក

កាន់តែគ្រោះថ្នាក់ អំឡុងពេលរត់តាមដងផ្លូវ អាចស្តាប់មិនច្បាស់ពីសំឡេងស៊ីផ្លេរថយន្ត ឬ នរណាម្នាក់ស្រែកឲ្យប្រយ័ត្នជាមួយហេតុការណ៍នានា ជាលទ្ធផលអាចមានគ្រោះថ្នាក់បាន។

៣) ធ្វើសកម្មភាពហាត់ប្រាណមិនពេញលក្ខណៈ

ហាត់ប្រាណពាក់កាសសងខាង (ខ្សែ) អាចពិបាកដល់សកម្មភាពហាត់ ដែលអាចដាក់សំពាធលើករ ពេលប្រឹងហាត់ប្រាណ។ បើមិនអាចខ្វះតន្ត្រីបាន អាចប្រើកាសឥតខ្សែជំនួសវិញ។

៤) បង្អាក់ដល់សកម្មភាពហាត់ប្រាណ

អាចរំខានដល់អារម្មណ៍ មិនផ្ដោតលើការប្រាណ ដោយចំណាយពេលត្រូវស្វែងរកប្រភេទតន្ត្រីត្រូវចិត្ត ភ្លេចៗខ្លួនដល់ម៉ោងបាត់។

៥) មានហានិភ័យក្នុងការឆ្លងមេរោគ

បើតាមការស្រាវជ្រាវបានចេញក្នុងកាសែត Malaysian Journal of Medical Science បង្ហាញថា ការប្រើកាស អាចឆ្លងមេរោគ ដោយកំណើនបាក់តេរីកកើតពីលាមកត្រចៀក។ ដូចនេះ គួរសម្អាតកាសក្រោយពេលប្រើប្រាស់ រក្សាទុកក្នុងប្រអប់ត្រឹមត្រូវ ឆ្ងាយពីសំណើម និងពុំគួរចែកគ្នាប្រើនោះទេ៕