អ្នកច្បាប់ថៃ នាំគ្នាព្រួយរឿងឆ្លងវីរុសក្នុងសភា ក្រោយសមាជិកម្នាក់ផ្ដាសាយពេលត្រលប់ពីជប៉ុន
- 2020-02-27 09:52:58
- ចំនួនមតិ 0 | ចំនួនចែករំលែក 0
អ្នកច្បាប់ថៃ នាំគ្នាព្រួយរឿងឆ្លងវីរុសក្នុងសភា ក្រោយសមាជិកម្នាក់ផ្ដាសាយពេលត្រលប់ពីជប៉ុន
ចន្លោះមិនឃើញ
អ្នកតាក់តែងច្បាប់ក្នុងប្រទេសថៃ បាននាំគ្នាព្រួយបារម្ភពីការចម្លងកូរ៉ូណាវីរុសនៅក្នុងរដ្ឋសភា ក្រោយពេលដែលមានសមាជិកម្នាក់ កើតរោគផ្ដាសាយពេលត្រឡប់ពីបំពេញកិច្ចការនៅប្រទេសជប៉ុនវិញ។
យោងតាម Bangkokpost ឲ្យដឹងថា ការព្រួយបារម្ភនេះបានផ្ទុះឡើងក្រោយពេលដែលសមាជិកសភាលោកស្រី Patcharin Samsiripong មកពីបក្ស Palang Pracharath ត្រឡប់មកពីប្រទេសជប៉ុនវិញកាលពីថ្ងៃទី ១៨ខែកុម្ភៈ ហើយក្រោយមកក៏ចាប់ផ្ដើមផ្ដាសាយ។ លោក Supachai Phosu អនុប្រធានសភាបានមានប្រសាសន៍ថាគ្រូពេទ្យមកពីវិទ្យាស្ថានជំងឺឆ្លង Bamrasnaradura បានពិនិត្យលោកស្រី Patcharin កាលពីយប់ថ្ងៃពុធហើយរកឃើញតេស្តិ៍អវិជ្ជមានចំពោះជំងឺកូរ៉ូណាវីរុស។ យ៉ាងណាក៏ដោយ អ្នកសម្អាតត្រូវបានបញ្ជាឲ្យសម្អាតឧបករណ៍ទាំងអស់ក្នុងរដ្ឋសភារួមទាំងតុ, កៅអី និងម៉េក្រូផងដែរ។
ក្រៅពីនេះ លោក Chaturong Pengnorapat មកពីគណបក្សភឿថៃដែលជាគណបក្សប្រឆាំង បានទាមទារឱ្យលោកស្រី Patcharin ឈប់សម្រាកហើយថាមន្រ្តីគួរតែពិនិត្យមើលថាតើមានសមាជិកសភាណាទៀតដែលបានធ្វើដំណើរទៅកាន់ប្រទេសមានឆ្លង Covid-19៕