ចូលរួមសិក្ខាសាលានេះដូចបានជួយក្មេងក្រីក្រនៅខេត្តដាច់ស្រយាល

2018-01-12 08:46:37
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការប៉ាន់ស្មានសមត្ថភាពយុវជនកម្ពុជា ហៅកាត់ថាស៊ីស៊ីអេ (CCA ) បានសហការជាមួយក្រុមយុវនារី (CGS) រៀបចំសិក្ខាសាលាបែបចែករំលែកបទពិសោធន៍ និងចំណេះដឹងដោយវាគ្មិនជំនាញ និងអ្នកជំនួញជោគជ័យ ក្រោមប្រធានបទ «វិធីសាស្ត្រធ្វើឲ្យអាជីវកម្មរួចដើមក្នុងរយៈពេលបីខែ សម្រាប់អាជីកម្ម ខ្នាតតូច និងមធ្យម» ។សិក្ខាសាលានេះនឹងប្រព្រឹត្តទៅនៅថ្ងៃអាទិត្យ ទី២១ មករា ២០១៨ នៅសាលអាគារ CJCC វេលាម៉ោង ៨ ព្រឹក ដល់ ម៉ោង ១២ ថ្ងៃត្រង់។

កម្មវិធីនេះបង្កើតឡើងក្នុងគោលបំណងប្រមូលមូលនិធិមួយចំនួនដើម្បីទិញសម្ភារៈសិក្សា ឧបត្ថម្ភកុមារក្រីក្រនៅសាលាបឋមសិក្សា អូតាពួង ភូមិអូតាពួង ឃុំភក្តី ស្រុកបសេដ្ឋ ខេត្តកំពុងស្ពឺ។

អង្គការប៉ាន់ស្មានសមត្ថភាពយុវជនកម្ពុជា (CCA) គឺជា អង្គការក្នុងស្រុកតូចមួយ ដែលមានការិយាល័យកណ្ដាល នៅ ភូមិត្រាំខ្នារ ឃុំ សូភី ស្រុកបាទី ខេត្ត តាកែវ បង្កើតឡើងនៅ ថ្ងៃ ទី២ ខែ មករា ឆ្នាំ ២០១២ ដោយលោក សុខ គឹមសាន ដែលជា អគ្គនាយក ហើយបានទទួលអាជ្ញាប័ណ្ណ ជាផ្លូវការនៅថ្ងៃ ទី១៣ ខែមេសា ឆ្នាំ ២០១៥ ។ កន្លងមកអង្គការនេះបានស្វែងរកចំណូលដោយខ្លួនឯងតាមរយៈការបង្រៀនក្មេងៗ ភាសាបរទេស ដូចជា ចិន អង់គ្លេស កុំព្យូទ័រ ជាដើម ដើម្បីផ្គត់ផ្គង់ ដល់កុមារនៅតំបន់ដាច់ស្រយាលមួយចំនួន៕