សេង សូណា បន្តភាពសិចស៊ី ព្រោះហេតុផលមួយគត់

2018-01-23 02:24:18
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសិចស៊ីកញ្ញា សេង សូណា និយាយថា ឆ្នាំថ្មីនេះកញ្ញានៅតែបន្តភាពសិចស៊ីរបស់ខ្លួនដដែល ឬអាចថាកាន់តែសិចស៊ីជាងមុនទៅទៀត។

ការប្រកាសបន្តភាពសិចស៊ីនេះ កញ្ញាហាក់មិនបារម្ភរឿងក្រសួងព្រមានដូចជាតារាមួយចំនួននោះទេ ព្រោះតែភាពសិចស៊ីក្នុងភាពយន្តរបស់ខ្លួន គឺភាគច្រើននាំចេញទៅក្រៅប្រទេស មិនស្ថិតក្នុងស្រុក ដែលនាំឱ្យក្រសួងអាចមានវិធានការឡើយ។

តារាសិចស៊ីរូបនេះ បន្តថានាដើមខែកុម្ភៈខាងមុននេះ កញ្ញានឹងទទួលថតភាពយន្តពីសហរដ្ឋអាមេរិក ២រឿងទៀត ដែលមកថតនៅស្រុកខ្មែរ ហើយភាពយន្តទាំង២នោះ កញ្ញាទទួលសម្ដែងជាតួអង្គសិចស៊ីដដែល។

កញ្ញា សេង សូណា បានបង្ហាញអារម្មណ៍រីករាយនៅពេលផលិតករបរទេសជាច្រើនតែងយកនាងជាគោលដៅ សម្រាប់ភាពយន្តមកថតនៅស្រុកខ្មែរដែលសម្ដែងជាតួអង្គសិចស៊ី។ តារាសម្ដែង សេង សូណា ប្រាប់ពីហេតុផលមួយចំនួនធ្វើឱ្យកញ្ញាតែងឆក់យកទីផ្សារភាពយន្តបរទេស ដែលមកថតនៅស្រុកខ្មែរ គឺព្រោះតែកាយសម្បទារអំណោយផល រួមនឹងភាពក្លាហានរបស់ខ្លួន។ បើទោះជាការប្រើប្រាស់ភាសា ហាក់ពិបាកបន្តិចសម្រាប់ខ្លួន តែកញ្ញាអះអាងថា ផលិតករបរទេសទាំងនោះស្រលាញ់ និងចូលចិត្តជាខ្លាំង។

កញ្ញា សេង សូណា ជឿជាក់ថា ការបន្តភាពសិចស៊ីរបស់ខ្លួន នឹងអាចកាន់តែមានទីផ្សារខ្ពស់ថែមទៀតនៅក្នុងឆ្នាំថ្មី តាមរយៈភាពយន្តបរទេស មកថតនៅស្រុកខ្មែរ។ បើទោះជាប្រកាសបន្តភាពស៊ិចស៊ីថែមទៀត ដោយមិនបារម្ភរឿងក្រសួងមានវិធានការ តារាសម្ដែងមានទីផ្សារខ្ពស់ខាងក្រៅប្រទេសរូបនេះ បញ្ជាក់ថា កញ្ញាមិនដែលធ្វើឱ្យហួសពីវប្បធម៌ប្រពៃណីរបស់ជាតិនោះទេ គឺភាពសិចស៊ីសម្រាប់តែក្រៅប្រទេសប៉ុណ្ណោះ។

តារាសម្ដែងកញ្ញា សេង សូណា ហាក់មានទីផ្សារខ្ពស់មួយរំពេចន៍ ជាពិសេសភាពយន្តបរទេស បន្ទាប់ពីតារារូបនេះ ហ៊ានបញ្ចេញភាពសិចស៊ីខ្លាំង ដោយមិនបារម្ភពីការព្រមានរបស់ក្រសួង។ កញ្ញាអះអាងថាក្នុងចំណោមភាពយន្ត ១០ដែលកញ្ញាថតបែបសិចស៊ី គឺមាន ៩ហើយ ដែលជាភាពយន្តបរទេស មកថតនៅស្រុកខ្មែរ៕

អត្ថបទៈ ចរិយា