ស្ប៉តថ្មីរបស់ OnePlus 5T ត្រូវអ្នកគាំទ្ររិះគន់ថាអន់បំផុត

2018-01-25 02:04:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះ OnePlus បានបញ្ចេញវីដេអូស្ប៉តថ្មីដែលបង្អួតពីសមត្ថភាពល្បឿនរបស់ OnePlus 5T ដោយធៀបនឹង Samsung Galaxy Note8។

ក្នុងវីដេអូមានបង្ហាញពីបុរសពីរនាក់ ប្រកួតគ្នាបើកកម្មវិធីចំនួន ២០ ដោយម្នាក់ប្រើ Galaxy Note8 និងម្នាក់ទៀតប្រើ OnePlus 5T។ អ្នកដែលអាចបើកកម្មវិធីទាំង ២០ មុនគេនឹងអាចចាកចេញបាន ហើយចុងក្រោយឃើញថាអ្នកប្រើ OnePlus 5T បញ្ចប់បានមុន។

ត្បិតថាជាវីដេអូស្ប៉តដ៏ប្លែកមួយ ប៉ុន្តែវាមិនទទួលបានការសរសើរតែបែរជាទទួលបានការរិះគន់ពីសំណាក់អ្នកប្រើប្រាស់ YouTube ហើយមានខ្លះជាអ្នកគាំទ្រ OnePlus ទៀតផង។ មានការបញ្ចេញមតិថា ៖ "ជាគំនិតអន់បំផុតដើម្បីផ្សាយពីល្បឿនទូរសព្ទរបស់អ្នក...ខ្ញុំជាអ្នកប្រើ OnePlus ប៉ុន្តែសុំកុំបង្កើតស្ប៉តឆ្កួតបែបនេះ”។

មិនមែនជាលើកទីមួយទេដែលវីដេអូស្ប៉តរបស់ OnePlus ត្រូវគេរិះគន់។ ជាក់ស្ដែងចំពោះវីដេអូបើកប្រអប់ OnePlus 5 លើរថយន្ត Lamborghini ក៏ត្រូវបានគេរិះគន់យ៉ាងសន្ធឹកដែរ៕

ប្រភព៖ YouTube ប្រែសម្រួល៖ សុខហេង