Yonghwa ស្រែកយំដូចក្មេងលែងខ្មាស់អ្នកគាំទ្រ ខណៈខ្លួនជិតលាទៅឆ្ងាយ (វីដេអូ)

2018-01-30 01:54:14
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលចុងក្រោយនេះ Yonghwa តារាចម្រៀងរបស់ក្រុម CNBLUE ហាក់ជួបប្រទះនូវរឿងរ៉ាវជាច្រើន ទាក់ទងនឹងជីវិតឯកជន ឧទាហរណ៍ដូចជាបញ្ហាចូលរៀនជាដើម។

ដោយឡែកថ្មីៗនេះ ក៏មានព័ត៌មានផ្ទុះឡើងដែរថា តារាប្រុសរូបនេះនឹងត្រូវចូលបម្រើក្នុងជួរទាហាន ដែលជាកាតព្វកិច្ចសំខាន់បំផុតសម្រាប់ប្រទេស។ មុនលាគ្រប់គ្នាទៅ បំពេញការងារនេះ Yonghwa ក៏មានការប្រគំតន្ត្រីមួយចុងក្រោយសម្រាប់អ្នកគាំទ្រខ្លួន។

កាលពីថ្ងៃទី ២៧ ខែមករា ការប្រគំតន្ត្រី "2018 Jung Yonghwa Live Room 622 in Hong Kong” បានប្រារព្ធឡើងក្នុងទីក្រុងហុងកុង ហើយអំឡុងពេលសម្ដែង តារាប្រុសរូបនេះស្រាប់តែខ្សឹកខ្សួលយំភ្លាមមួយរំពេច។

ពេលឃើញបែបនេះ អ្នកគាំទ្រក៏បានស្រែកលើកទឹកចិត្តថា "កុំយំ! កុំយំ!”។ តាមរយៈអារម្មណ៍ដែលបង្ហាញមកនេះ ពិតជាអាចបញ្ជាក់បានច្បាស់ថា Yonghwa ពិបាកធ្វើចិត្ត និងគ្រប់គ្រងអារម្មណ៍នៅពេលនោះណាស់ ខណៈខ្លួនជិតលាឆ្ងាយពីមនុស្សជាទីស្រឡាញ់ឆាប់ៗ។

ទស្សនារូបភាពខាងក្រោម៖

ម្យ៉ាងវិញទៀត មួយរយៈនេះ លោកបានជួបរឿងរ៉ាវស្មុគស្មាញជាច្រើន ពិសេសពាក់ព័ន្ធនឹង បញ្ហាចម្រូងចម្រាសក្នុងការចូលរៀនសាកលវិទ្យាល័យ "Kyung Hee”។ ជាក់ស្ដែង សម្រាប់ថ្ងៃចូលបម្រើទាហានរបស់លោក ត្រូវបានកំណត់ចំថ្ងៃទី ០៥ ខែមីនាខាងមុខនេះ៕

ប្រភព៖ Allkpop ប្រែសម្រួល៖ យី សុធារី