ផ្ដាំកូនចៅចិន កុំបំពានត្រណមទាំង៣ថ្ងៃនេះ ប្រយ័ត្នរកស៊ីអត់ឡើង
- 2018-02-14 02:39:28
- ចំនួនមតិ 0 | ចំនួនចែករំលែក 0
ផ្ដាំកូនចៅចិន កុំបំពានត្រណមទាំង៣ថ្ងៃនេះ ប្រយ័ត្នរកស៊ីអត់ឡើង
ចន្លោះមិនឃើញ
លោកតា លី ចាស់ព្រឹទ្ធារ្យនៅវិហារសាមអ៊ួង បានរៀបរាប់អំពីត្រណមខ្លះៗនៅក្នុងពិធីបុណ្យចូលឆ្នាំចិនទាំងបីថ្ងៃចាស់ទុំបុរាណរបស់ចិនឲ្យកូនចៅត្រូវអនុវត្ត មានដូចជា៖
ថ្ងៃទី១. ជាថ្ងៃសែន ទាំងចាស់ ទាំងក្មេងដែលជាកូនចៅជាប់ស្រឡាយចិនរស់នៅក្នុងដំបូលក្នុងគ្រួសារតែមួយ ត្រូវនៅជួបជុំគ្នាក្នុងផ្ទះដាច់ខាត។
ថ្ងៃទី២. ចាស់បុរាណ អនុញ្ញាតឲ្យកូនចៅចិនដើរទៅផ្ទះសាច់ញាតិ ហើយគេតែងជូនចំណីអាហារ ផ្លែឈើ ដល់គ្នាទៅវិញទៅមកសម្រាប់បរិភោគ និងភ្ជាប់ដោយពាក្យជូនពរផងដែរ។
ថ្ងៃទី៣. ជាថ្ងៃដើរកម្សាន្តសប្បាយ ជាងនេះនោះ អ្នកជាប់សែស្រឡាយចិនមិនដែលភ្លេចឡើយកាដូអាំងប៉ាវដ៏មានអត្ថន័យបំផុត។
ការផ្តល់អាំងប៉ាវ ដល់សាច់ញាតិ ត្រូវភ្ជាប់ជាមួយពាក្យថា សុខសប្បាយ។ តួយ៉ាង បើឲ្យក្មេងៗស្ថិត ក្នុងវ័យសិក្សា ត្រូវនិយាយថា «សុខសប្បាយ រៀនឆ្លាតឆាប់ចេះ» ប៉ុន្តែបើក្មេងនោះស្ថិតក្នុងវ័យរកស៊ី គេនិយាយថា «សុខសប្បាយ រក ស៊ីហេងៗ»។ ចំណែកឯកូនៗដែលមានមុខរបររកស៊ីបានកាក់កបហើយនោះ ក៏អាចយកអាំងប៉ាវ ទៅជូនឪពុកម្តាយចាស់ទុំជាសាច់ញាតិរបស់ខ្លួនគេវិញដែរ ដោយភ្ជាប់ដោយពាក្យថា «សុខសប្បាយ អាយុយឺនយូរ»។
លោកតាលី បញ្ជាក់ថា ក្នុងអំឡុងចូលឆ្នាំរយៈពេល៣ថ្ងៃនេះ ចាស់ទុំមិនឲ្យបោសផ្ទះសម្បែងចេញទៅក្រៅទេ តែបើចាំបាច់ត្រូវបោសសំរាមគប្បីត្រូវបោសប្រមូលចូលទៅក្នុងផ្ទះហើយ រៀបចំទុកដាក់ឲ្យបានត្រឹមត្រូវ។ ប្រសិនបើកូនចៅចិន គោរពមិនបានខ្ជប់ខ្ជួននោះ គ្រួសារអាចនឹងរកស៊ីមិនសូវកាក់កបផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
