ក្រុមហ៊ុនធំៗលែងបារម្ភរឿងគេ Hack បើប្រើកម្មវិធីការពារមួយនេះ

2018-02-24 06:32:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយមើលឃើញពីការកើនឡើងនៃតម្រូវការប្រព័ន្ធសុវត្ថិភាពទិន្នន័យនៅកម្ពុជាបច្ចប្បន្ន ក្រុមហ៊ុនផ្តល់ដំណោះស្រាយព័ត៌មានវិទ្យា Trust Global Service បាននាំចូលនូវបច្ចេកវិទ្យាថ្មីបំផុតមួយ គឺ Cisco Stealthwatch ដែលអាចធានាសុវត្ថិភាពសម្រាប់ប្រព័ន្ធ Network បានដល់ ៩០%។

ក្រុមហ៊ុនធំៗជាច្រើននៅកម្ពុជា ត្រូវបានអញ្ជើញចូលរួមក្នុងសិក្ខាសាលាស្តីអំពីអត្ថប្រយោជន៍ និងដំណើរការនៃប្រព័ន្ធការពារទំនើបថ្មីនេះ ដែលរៀបចំឡើងដោយ Trust Global Service នៅសណ្ឋាគារកាំបូឌីយ៉ាណាកាលពីព្រឹកម្សិលមិញ។

លោក ឡុង ឈុនហួរ ប្រធានប្រតិបត្តិទីផ្សារ Cisco នៅកម្ពុជា បានពន្យល់ថា៖ « Firewall ឬកម្មវិធីភាគច្រើនបានត្រឹមជាសន្តិសុខការពារមុខផ្ទះប៉ុណ្ណោះ តែ Cisco Stealthwatch ចូលជ្រៅដល់ក្នុងប្រព័ន្ធ Network ដែលប្រៀបដូចជាកាមេរ៉ាក្នុងផ្ទះ អាចដឹងរាល់ដំណើរការទិន្នន័យទាំងអស់ ហើយនឹងបញ្ជូនព័ត៌មានដល់កម្មវិធីមួយទៀតគឺ Cisco ISE បើសិនមានទិន្នន័យណាមួយខុសប្រក្រតី»។

លោកបន្តថា៖ "សម្រាប់ក្រុមហ៊ុនដែលប្រើប្រាស់ប្រព័ន្ធ Cisco Stealthwatch យើងអាចធានាសុវត្ថិភាពដល់លើ ៩០% ឯណោះ ហើយក៏គ្មានប្រព័ន្ធសុវត្ថិភាពណាអាចធានាបានដល់ ១០០% នោះដែរ"។

បើតាមការបញ្ជាក់ពី Trust Global Service កម្មវិធីបែប Stealthwatch មិនមានច្រើនទេលើពិភពលោក ហើយក៏ទើបនឹងមាននៅកម្ពុជាផងដែរ។

Trust Global Service Co., Ltd ជាក្រុមហ៊ុនផ្ដល់សេវាកម្មដំណោះស្រាយបញ្ហា និងបណ្ដាញព័ត៌មានវិទ្យាក្នុងស្រុកល្បីឈ្មោះមួយ បង្កើតឡើងក្នុងឆ្នាំ ២០០៨ ដែលធ្លាប់ផ្ដល់សេវាដល់ក្រុមហ៊ុនល្បីធំៗជាច្រើននៅកម្ពុជា ដូចជា Lucky Group ធនាគារអេស៊ីលីដា Bank of China ស្ថាបនា និងផ្សារទំនើបអ៊ីអន៕