Huawei និយាយថាថ្ងៃខាងមុខ ក្រុមហ៊ុនទូរសព្ទនឹងសល់តែ ៣-៤ ប៉ុណ្ណោះ

2018-02-28 02:52:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Richard Yu នាយកប្រតិបត្តិនៃក្រុមហ៊ុន Huawei បាននិយាយនៅក្នុងកម្មវិធី MWC ឆ្នាំ ២០១៨ នេះថា នៅថ្ងៃអនាគតក្នុងសហគ្រាសស្មាតហ្វូននឹងនៅសល់ក្រុមហ៊ុនតែ ៣-៤ ប៉ុណ្ណោះដែលប្រកួតប្រជែងគ្នា។

លោក Richard Yu

នាយកប្រតិបត្តិរូបនេះអះអាងថាសេដ្ឋកិច្ចនៃសហគ្រាសស្មាតហ្វូនអាចនឹងបង្ខំឲ្យក្រុមហ៊ុនផលិតស្មាតហ្វូនមួយចំនួនដើរចេញ ដោយនៅសេសសល់ជើងខ្លាំងតែប៉ុន្មានក្រុមហ៊ុនប៉ុណ្ណោះ។ បច្ចុប្បន្ននេះ Huawei ជាក្រុមហ៊ុនផលិតស្មាតហ្វូនធំជាងគេលំដាប់ទីបី ដោយមានទីផ្សារជាង ១០% នៅត្រីមាសទី ៤ ឆ្នាំ ២០១៧ ដែលនាំមុខដោយ Samsung និង Apple។

នៅពីក្រោយ Huawei មានក្រុមហ៊ុនមួយចំនួនដូចជា Xiaomi, Oppo, Lenovo, Sony, HTC និង LG។ ប៉ុន្តែផ្អែកតាមការលើកឡើងរបស់លោក Richard ក្រុមហ៊ុនទាំងនេះអាចនឹងបាត់ខ្លួន ឬ កាត់បន្ថយមុខជំនួញរបស់ខ្លួន ដោយសារតែគ្មានធនធាន។

និយាយពី Huawei នាយកប្រតិបត្តិក្រុមហ៊ុននេះមានពោរពេញដោយសុទិដ្ឋិនិយម។ ឆ្នាំមុនក្រុមហ៊ុនចិននេះ អាចបង្កើនជំនួញស្មាតហ្វូនរបស់ខ្លួនបាន ៣០% ហើយលោក Richard រំពឹងថានឹងកើនឡើងខ្លាំងនៅឆ្នាំនេះ និងមានមហិច្ឆតាថានឹងវ៉ាដាច់ Apple ក្នុងពេល ២ ឆ្នាំទៀត៕

ប្រភព៖ AndroidHeadlines ប្រែសម្រួល៖ សុខហេង