'King's Dead' បទក្នុងរឿង 'Black Panther' ឡើងដល់តារាង១០បទកំពូលរបស់ Billboard (វីដេអូ)

2018-03-24 03:21:07
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាង១ខែមកហើយ ក្រោយពីរឿង 'Black Panther' ត្រូវបានចេញចាក់ផ្សាយ។ បទ 'King's Dead' ក្នុងអាល់ប៊ុមបទចម្រៀងរឿងមួយនេះ ដែលច្រៀងដោយតារាចម្រៀង Jay Rock, Kendrick Lamar, Future និង James Blakeនោះ បានស្ថិតលើតារាងបទកំពូលទាំង១០របស់តារាងចាក់ផ្សាយបទចម្រៀងរបស់ Billboard ក្នុងសប្ដាហ៍នេះ។

បទចម្រៀងមួយនេះដែរ បានឡើងពីលេខរៀងទី ១៤ មកលេខរៀងទី៨ក្នុងថ្ងៃទី២៤ ខែមីនានេះ។ កាលពីថ្ងៃទី២៤ ខែកុម្ភៈ បទមួយនេះបានស្ថិតក្នុងចំណាត់ថ្នាក់លេខ១៩។

នេះជាលើកទីមួយហើយដែលបទចម្រៀងរបស់តារាចម្រៀង Jay Rock បានស្ថិតលើតារាងបទចម្រៀងកំពូលទាំង១០បទនោះ ហើយចំពោះតារាចម្រៀង James Blake នេះក៏ជាលើកទីមួយរបស់លោកផងដែរ ដែលស្ថិតលើតារាងបទកំពូលទាំង១០នេះ ខណៈតារាចម្រៀង Kendrick Lamar និងFuture ទទួលបានចំណាត់ថ្នាក់លេខ ១០ និងលេខ៧ក្នុងចំណោមបទកំពូលទាំង១០ រៀងៗខ្លួន៕

ទស្សនាបទ 'King's Dead' ខាងក្រោម៖