ស្រីតុ រវល់វក់វីពេក ទើបបិទរោងចក្រផ្ទាល់ខ្លួនមួយរយៈ

2018-03-29 04:12:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រីតុ តារាកំប្លែងមិនចេះទ័លពាក្យនិយាយ បានលើកឡើងថា សុំបិទមួយរោងចក្រមួយរយៈសិនហើយ ព្រោះមមារញឹកនឹងការងារខ្លាំងពេក។

បិទរោងចក្រនេះ អ្នកនាង សុខ ចាន់ធីតា ហៅ កាតុ ចង់បានន័យថាផ្អាកការស្វះស្វែងចង់បានកូនសិន ត្បិតខ្លួនរកពេលទំនេរនៅជាមួយគ្រួសារមិនផង គ្មានពេលឯណាទៅផ្ចង់អារម្មណ៍ចង់បានកូនទី២ទៀតទេ។

ក្រោយពីបានរាប់រៀបបែកអូរហូរស្ទឹងមកកាន់ Sabay កាតុ ថា៖ "នាងខ្ញុំកំពុងរកពេលហើយ ប្រហែលយកឆ្នាំក្រោយ តែសុំស្បោយដៃធ្វើកម្មវិធីឲ្យខាងទូរទស្សន៍១សិន ព្រោះខ្ញុំជាអ្នករៀបចំកម្មវីធីផងអញ្ចឹង អត់ទាន់គិតពេលនេះ តែក៏អរគុណអ្នកគាំទ្រអស់សម្រាប់ការខ្វល់ខ្វាយសុខទុក្កខ្ញុំ ក៏ដូចជាក្រុមគ្រួសារ"។

មួយវិញទៀត គម្រោងថាយកកូនប៉ុន្មាននោះ តារាកំប្លែងមកពីខេត្តព្រៃវែងនេះ ថាមិនទាន់ដឹងនៅឡើយទេ សំខាន់គឺពេលវេលានេះនាងត្រូវរកលុយឲ្យបានច្រើនសិន។ "ទាន់ខាងអ្នករៀបចំកម្មវិធីគេត្រូវការយើង យើងមិនអាចឆ្លើយថាអត់ទទួលយកការងារទាំងនេះបានទេ ព្រោះលុយក៏វាចូលតាមនឹងដែរ ទុករឿងកូនសិន ឥឡូវយកតែកូនស្រីតែមួយនេះបានហើយ"។ ភរិយានាយ ខ្យង បញ្ជាក់៕

អត្ថបទ៖ សិរីរត្នន៍