Bellerin បង្ហើបពីវិធីសាស្ត្រមួយបែប ស្ដាប់ទៅងាយក្នុងការព្យាបាលរបួសជង្គង់

2018-03-30 13:39:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារស្លាប Hector Bellerin ក្នុងថ្ងៃនេះ បាននិយាយថា ការហូបម្ហូបបួស ជួយខ្លួនជាពីរបួសជង្គង់។

កីឡាករអេស្ប៉ាញបានថ្លែងប្រាប់ The Players' Tribune ថា៖ "កាលពីដើមរដូវកាលនេះ ខ្ញុំគ្រោងថាហូបម្ហូបបួស រយៈពេលពី ពីរ ទៅបីអាទិត្យ ដើម្បីលាងជម្រះជាតិពុលក្នុងខ្លួន។ ទោះជាយ៉ាងណា ពេលធ្វើអ៊ីចឹងទៅ ស្រួលខ្លួន ខ្ញុំក៏បន្តហូបបែបនេះរយៈពេល ៦ខែ"។

Bellerin បាននិយាយទៀតថា៖ "កាលពីមុនណា ខ្ញុំតែងតែមានបញ្ហារបួសជង្គង់ តែក្រោយហូបបួសទៅ បញ្ហាហ្នឹងបាត់ឈឹង។ ខ្ញុំឥឡូវមិនចាំបាច់ការពារ និងថែទាំជង្គង់ខ្ញុំច្រើនដូចកាលមុននោះទេ"។

ទោះជាយ៉ាងណា កីឡាករ Arsenal រូបនេះក៏បានសារភាពដែរថា វាមិនមែនស្រួលទេក្នុងការហូបបួស ព្រោះត្រូវតមម្ហូបច្រើន។ Bellerin ថែមទាំងថ្លែងទៀតថា មានពេលខ្លះ មានមិត្តរួមក្រុម លួចលាយសាច់ក្នុងអាហារខ្លួនទៀតផង៕