ឡើងកប់! កីឡាករបាល់ទាត់ ប៉ះតារាបង្ហាញម៉ូដ បង្អួតសម្រស់ម្យ៉ាងម្នាក់នៅ សូរិយា ម្សិលមិញ

2018-04-02 08:45:39
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាបង្ហាញម៉ូដល្បីៗ ឯម រាម ហង្ស សូរីយ៉ាន់ នីណា កីឡាករបាល់ទាត់ ច្រឹង ពលរដ្ឋ បានប៉ះគ្នាក្នុងការតាំងពិព័ណ៌ Popular Brand Fair របស់ក្រុមហ៊ុន Watch Empire នៅផ្សារទំនើបសូរិយាជាន់ផ្ទាល់ដីម្សិលមិញ។

អ្នកច្នៃម៉ូដល្បី ឯម រាម រៀបរាប់ទាំងទឹកមុខញញឹមញញែមមកកាន់ Sabay ម្សិលមិញថា ទោះបីអាយុលោករាងជ្រេ បន្តិចមែន តែលោកពេញចិត្តម៉ូដណាប្លែកៗ ហើយស្រស់ អ៊ីចឹងថ្ងៃនេះលោកបានជ្រើសរើសម៉ាក Nautica ពណ៌ទឹកក្រូចលាយលឿង។

លោក ឯម រាម ជាមួយម៉ូដែល Nautica

ហង្ស សូរិយ៉ាន់ ដែលនិយមលេចមុខមិនលស់របស់កម្មវិធី Watch Empire បានឲ្យដឹងថា កម្មវិធីអីចោលបាន តែកម្មវិធី របស់ក្រុមហ៊ុន Watch Empire មិនងាយចោលទេ៖ "ទោះបីជាប៉ុណ្ណា ក៏ឆ្លៀតមកចូលរួមដែរ បង ណាមួយថ្ងៃនេះ មានម៉ូដថ្មីៗ ផងចឹងរំលងម៉េចបាន"។ សូរិយ៉ាន់ បន្ថែម។

តារាបង្ហាញម៉ូដ ហង្ស សូរីយ៉ាន់ ជាមួយម៉ូដែល Ice-Watch

មិនខុសគ្នាក្នុងនាមជាទូតសុឆន្ទៈឲ្យម៉ាកនាឡិកា Ice-Watch កីឡាករបាលទាត់ ច្រឹង ពលរដ្ឋ បានឲ្យដឹងថា មកដល់ពេលនេះលោកមាន ៤ម៉ូដក្នុងខ្លួនសម្រាប់ផ្លាស់ប្តូរឲ្យត្រូវនឹងកម្មវិធី ដែលលោកតែងចូលរួម។

"និយាយទៅ ពាក់នាឡិកានេះតែងលើកសម្រស់ខ្ញុំមួយកម្រិតដែរ វាមិនឡូយឆាយពេក តែស្អាត ហើយថ្លៃថ្នូរ អ៊ីចឹងពេលចូលរួមកម្មវិធីអីក៏ខ្ញុំមិនចោលដែរ អារឿងនាឡិកាដៃពាក់តាមខ្លួនហ្នឹង"។ ពលរដ្ឋ បញ្ជាក់មកកាន់ក្រុមការងារ Sabay ម្សិលមិញ។

កីឡាករបាល់ទាត់ ច្រឹង ពលរដ្ឋ ជាមួយម៉ូដែល Versus Versace

ភ្ញៀវដែលដើរកាត់ និងមកលេងផ្សារខាងលើ មិនផុតពីរឿងចោលភ្នែក ឬ ចូលមកមើលម៉ូដថ្មីៗ ដែលមានតាំងបង្ហាញរបស់ក្រុមហ៊ុន Watch Empire កាលពីម្សិលមិញឡើយ អ្វីដែលពិសេសគឺមានការបញ្ចុះតម្លៃ ចាប់ពី ៣០% ទៅ ៤០% លើម៉ូដែល Ice Watch Versus Versace Nautica និងចាប់រង្វាន់បាននាឡិកាម៉ូដែលថ្មី ម៉ាក Ice Love 2018 របស់ក្រុមហ៊ុន Watch Empire ទៀតផង៕