Arnold ប្រាប់ថាខ្លួនមិនអីទេ បន្ទាប់ពីចូលវះកាត់បេះដូងជាបន្ទាន់

2018-04-03 02:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់ Arnold Schwarzenegger បានឆ្លងកាត់ការវះកាត់បេះដូងជាបន្ទាន់ ប៉ុន្តែមានសុវត្ថិភាពបន្ទាប់ពីអ្នកតំណាងរបស់លោកប្រកាសប្រាប់ដំណឹងកាលពីថ្ងៃសុក្រ។

តារាសម្ដែងវ័យ ៧០ឆ្នាំ ល្បីតាមរយៈភាពយន្តដូចជា "Terminator” និង "Conan the Babarian” ជាដើម គឺជាតារាហូលីវូដម្នាក់ដ៏ល្បីទូទាំងពិភពលោក។ មិនត្រឹមតែប៉ុណ្ណោះលោកក៏ធ្លាប់ជា អ្នកតំណាងរដ្ឋកាលីហ្វ័រញ៉ា និងមានកូន៥អ្នកផងដែរ។

ថ្មីៗនេះលោកត្រូវ ចូលទៅកាន់បន្ទប់វះកាត់ជាបន្ទាន់ ដោយសារអាការៈរើឡើងគួរឲ្យបារម្ភនៅមន្ទីរពេទ្យទីក្រុង Los Angeles។

អ្នកតំណាងរបស់តារាសម្ដែង លោក Daniel Ketchell បានសរសេរលើបណ្ដាញសង្គម Twitter ថា "លោក Schawarzengger បានត្រូវឆ្លងកាត់ការវះកាត់ផ្លាស់ប្ដូរសរសៃបេះដូង ដែលធ្លាប់ប្ដូរម្ដងរួចមកហើយ កាលពីឆ្នាំ ១៩៩៧។ ពេលនេះ Arnold បានដឹងខ្លួនហើយព្រមទាំងនិយាយថា ខ្ញុំត្រលប់មកវិញហើយ ព្រមទាំងមានស្ថានភាពផ្លូវអារម្មណ៍ល្អទៀតផង។"

សារដែល Arnold បង្ហោះលើបណ្ដាញសង្គម Twitter

មានអ្នកខ្លះសង្ស័យថា តារារូបនេះមានបញ្ហាជំងឺបេះដូង ដោយសារតែលោកប្រើប្រាស់ថ្នាំ Steroids សម្រាប់ជំនួយការហាត់ប្រាណយកសាច់ដុំកាលពីវ័យក្មេង ប៉ុន្តែលោកបានប្រកែកថានេះមិនមែនជាបញ្ហានោះទេ៕