The Rock បញ្ជាក់ឲ្យកាន់តែច្បាស់រឿងជម្លោះជាមួយ Vin Diesel

2018-04-05 02:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតពេលនេះ យើងទទួលបានចម្លើយខ្លះៗពីជម្លោះដ៏ធំមួយនៅហូលីវូដរវាងតារាល្បីពីររូប កាលពីឆ្នាំ ២០១៦។

តារាសម្ដែង Dwayne “The Rock” Johnson បានលើកឡើងពីបញ្ហានេះក្នុងកិច្ចសម្ភាសន៍ជាមួយ ទស្សនាវដ្ដី Rolling Stone ចំពោះរឿងហេតុបានកើតឡើងអំឡុងពេលថតរឿង "Fate of the Furious”។ ជម្លោះនេះត្រូវបានបើកកកាយដល់សាធារណដោយ The Rock ដោយហៅលោក Vin Diesel ថាជា "Candy-Ass” នៅលើបណ្ដាញសង្គម Instagram ប៉ុន្តែក្រោយមកក៏បញ្ជាក់ថានេះដោយសារតែពួកគេមានការគិតខុសគ្នា អីចឹងហើយទើបធ្វើឲ្យមានរឿងរ៉ាវខ្លះមិនសមប្រកបនឹងគ្នា។

មិនត្រឹមតែប៉ុណ្ណោះ The Rock បានបញ្ជាក់ថា ប្រសិនជាអ្នកបានមើលរឿងនេះហើយ ហើយសង្ស័យថាលោកនិង Vin Diesel មិនបានបង្ហាញក្នុងឈុតឆាកជាមួយគ្នា នោះគឺជាការពិត។

លោក Johnson និយាយដូច្នេះថា "Vin និងខ្ញុំមានការពិភាក្សាគ្នាខ្លះៗ ពោលគឺនិយាយផ្ទាល់មាត់តែម្ដង។ អ្វីដែលខ្ញុំស្វែងយល់នោះគឺ ពួកយើងមានរបៀប និងគោលគំនិតក្នុងការគិតខុសគ្នា ដូច្នេះហើយបង្កឲ្យមានបញ្ហាខ្លះៗ ក្នុងការធ្វើកិច្ចការជាមួយគ្នា។ ខ្ញុំបានចំណាយពេលយ៉ាងច្រើនដើម្បីធ្វើចិត្ត ប៉ុន្តែពិតសប្បាយចិត្តដែលពួកយើងបាននិយាយគ្នា ទោះបីជាទៅថ្ងៃអនាគតពួកយើងនៅតែបន្តផលិតភាពយន្តជាមួយគ្នាឬយ៉ាងណា។"

ចំពោះពេលនេះ The Rock មិនទាន់មានគម្រោងជាក់លាក់ ក្នុងការបង្ហាញខ្លួនក្នុងខ្សែរឿង "Fast and Furious” វគ្គក្រោយក្រោយនៅឡើយទេ៕

Sabay ត្រូវការរើស 5 Corporate Sales Executives បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW។

ប្រភព៖ Mashable ប្រែសម្រួល៖ ធារ៉ូ