អុញនុះស្នេហា នាយ ព្រែក និងគូដណ្ដឹងចាប់ផ្ដើមប្រែប្រួល?

2018-04-19 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្ដីស្នេហ៍នាយ ព្រែក និងគូដណ្ដឹងត្រូវបានមហាជនទាំងក្នុង និងក្រៅសិល្បៈសង្ស័យថា ដើរដល់ផ្លូវបំបែកហើយ ក្រោយពី នាយ បង្ហោះសារមួយឃ្លាថា៖"ស្នេហ៍ប្រែជាអស់ន័យ ពេលយើងចាប់ផ្ដើមចេះជេរបញ្ចោរគ្នា"។

ដើម្បីជម្រះមន្ទិលរឿងរ៉ាវស្នេហាបែកបាក់ខាងលើ នាយ ព្រែក បានបកស្រាយថា អ្វីដែលខ្លួនសរសេរបង្ហោះនៅលើហ្វេសប៊ុក គ្រាន់តែជាការសរសេរលេងសើចបន្ធូរអារម្មណ៍ពេលសម្រាកពីការងារ តែប៉ុណ្ណោះគ្មានអ្វីលើសពីហ្នឹងនោះទេ។ ក្ដីស្នេហ៍ នាយ ជាមួយគូដណ្ដឹងនៅតែល្អូកល្អិនដដែល គ្មានអ្វីផ្លាស់ប្ដូរនោះទេ។

ក្រៅពីបដិសេធថា ចំណងស្នេហ៍ខ្លួន និងគូដណ្ដឹងនៅតែរឹងមាំកូនប្រុសពៅយាយ យ៉យ រូបនេះក៏បានបង្ហើបពីថ្ងៃចូលរោងការផងដែរ។ នាយ ថា៖" ខ្ញុំសរសេរលេងតើបងឲ្យឈ្លោះគ្នាយ៉ាងម៉េច បើពួកខ្ញុំទាំងពីរស្រឡាញ់គ្នាយ៉ាងហ្នឹងចុងឆ្នាំ ២០១៩ ឆ្នាំក្រោយពួកខ្ញុំទាំងពីរនាក់ នឹងចូលរោងការហើយ ដូច្នេះសូមពុកម៉ែបងប្អូនកុំយល់ច្រឡំ ថា ខ្ញុំ និងគូដណ្ដឹងបែកបាក់គ្នា"។