រឿងរ៉ាវស្មានមិនដល់កើតមានពិតៗ កម្រមានអ្នកដឹងពីតារាថៃ Nune "នាងឡាំយ៉ង"

2018-04-30 02:56:01
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងមុខស្រទន់ Nune Woranuch ជាតារាថៃម្នាក់ក្នុងចំណោមតារាផ្សេងទៀតដែលទទួលបានការគាំទ្រគួរសមពីសំណាក់ប្រជាជនកម្ពុជា ពិសេសក្រោយដើរជាតួ "នាងឡាំយ៉ង” កាលពីពេលកន្លងទៅ។

ប្រជាប្រិយភាពរបស់តារាស្រីរូបនេះ កាន់តែកើនឡើងជាបន្តបន្ទាប់ តាំងពីចូលសិល្បៈមកទល់ពេលបច្ចុប្បន្ន។ ល្បីបែបនេះ អ្នកគាំទ្រមួយចំនួនច្បាស់ជាចង់ជ្រាបពីរឿងរ៉ាវកម្របង្ហាញទាក់ទងនឹង Nune ជាក់ជាមិនខាន។ ដូចនេះ ដើម្បីជ្រាបកាន់តែច្បាស់ សូមមកដឹងដូចខាងក្រោម៖

Nune ដែលមានឈ្មោះពិត Woranuch Bhirombhakdi ឬ Woranuch Wongsawan កើតនៅថ្ងៃទី ២៤ ខែកញ្ញា ឆ្នាំ ១៩៨០។ នាងបានបញ្ចប់ការសិក្សាថ្នាក់បរិញ្ញាបត្រជំនាញសិល្បៈ ពីមហាវិទ្យាល័យ Nathasin។

Nune បានឈានជើងចូលសិល្បៈ តាំងពីឆ្នាំ ១៩៩៧ ក្នុងរឿង "Porb Phi Fa”។ បន្ទាប់ពីនោះ នាងក៏មានវត្តមានជាហូរហែក្នុងរឿងភាគល្បីៗជាច្រើន។ មកទល់ឆ្នាំ ២០១៨នេះ រឿងដែលនាងបានសម្ដែងមានមិនតិចជាង ៤០រឿងទេ ក្នុងនោះភាគច្រើនជារឿងភាគ។ ស្នាដៃភាពយន្តដែលជោគជ័យ និងនាំឲ្យនាងឈ្នះពានតារាស្រីឆ្នើមប្រចាំឆ្នាំ ២០០៥ គឺរឿង "Mae Ai Sae Eun”។

ក្រៅពីនេះ Nune ក៏បានយកឈ្នះចិត្តទស្សនិកជនជាច្រើនឲ្យគាំទ្រតាមរយៈរឿងល្បីផ្សេងទៀតដូចជា៖ "Rak Nakara ឆ្នាំ ២០០០”, “Kom Faek ឆ្នាំ ២០០៨”, “ជីវិតនាងឡាំយ៉ង”, “Jao Wayha”, "Pidsawat” និងរឿងដែលសម្ដែងថ្មីៗនេះមានចំណងជើងថា "Ra Rerng Fai”។

ឈុតក្នុងរឿងនាងឡាំយ៉ង

និយាយពីជីវិតគូវិញ តារាស្រីកម្ពស់ ១៦៥សង់ទីម៉ែត្ររូបនេះបានរៀបអាពាហ៍ពិពាហ៍កាលពីឆ្នាំ ២០១០ ជាមួយលោក Todd Pithi Bhirompakdee ដែលជាអ្នកនៅក្រៅរង្វង់សិល្បៈ។ ជីវិតស្នេហារបស់នាងមានភាពល្អូកល្អិនមិនចាញ់គូស្នេហ៍ដទៃទៀតទេ បើទោះពេលនេះពួកគេមិនទាន់មានបុត្រជាមួយគ្នាក៏ដោយ។

ក្រៅពីអាជីពជាតារាសម្ដែង និងបង្ហាញម៉ូដ តារាស្រីរូបនេះក៏កាន់កាប់ជំនួញជាច្រើនក្នុងដៃដែរ។ នាងរកស៊ីលើវិស័យអចលទ្រព្យមានឈ្មោះថា "The Peach Condominium”, បង្គន់អនាម័យចល័តសម្រាប់ជួល, ហាងលក់មួក "Worra Hat”, ភោជនីយដ្ឋាន "Kuy Teav Pao Pak”, ផលិតផលថែរក្សាសម្រស់ "Worra Cream”, សាលាបង្រៀនរាំរបាំ និងភោជនីយដ្ឋាន "Som Tam Saen Zaap Restaurant”។