អស្ចារ្យ! ភាពយន្តបែបវាយប្រយុទ្ធរបស់ខ្មែរមួយ បានចូលក្នុង Netflix ជាផ្លូវការ

2018-05-07 04:28:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តដែលផលិតដោយផលិតករខ្មែរមួយរឿងត្រូវបាន Netflix ដែលជាកម្មវិធីទស្សនាភាពយន្តលើទូរស័ព្ទដ៏ល្បីរបស់ពិភពលោក ទិញយកមកចាក់ផ្សាយជាផ្លូវការហើយក្នុងខែឧសភា ឆ្នាំ ២០១៨នេះ។

នេះជាភាពយន្តវាយប្រហារដែលមានភាពជោគជ័យក្នុងស្រុកកាលពីឆ្នាំ២០១៧ មានចំណងជើងថា «Jailbreak» ដែលផលិតដោយផលិតកម្មក្នុងស្រុកមានឈ្មោះថា Kongchak Pictures ផលិតករឈ្មោះ តែ ឡយ។ ផលិតករ រូបនេះ បានប្រាប់ Sabay ឱ្យដឹងដែរថា រឿង «Jailbreak» ផលិតឡើងដោយប្រើដើមទុនប្រមាណជាង ២០ ម៉ឺនដុល្លារអាមេរិក ហើយថានេះជាមោទកភាពមួយដែលភាពយន្តខ្មែរមួយនេះត្រូវបានជ្រើសរើសដោយ Netflix សម្រាប់យកទៅផ្សព្វផ្សាយ។

លោក តែ ឡយ ខាងឆ្វេងដៃ Jean-Phaul Ly តួសម្តែង រឿង Jailbreak ខាងស្តាំដៃ

ផលិតកររូបនេះ ក៏បានបង្ហើបប្រាប់ដែរថា ចំណូលដែលទទួលបានពី Netflix គឺគ្រប់គ្រាន់ល្មមជួយផលិតកម្មរបស់លោកទទួលបានដើមទុនដែលចំណាយលើការផលិតភាពយន្តនេះមកវិញ។ នេះជាការលើកទឹកចិត្តដល់ការផលិតភាពយន្តដែលមានគុណភាព ដោយផលិតករខ្មែររូបនេះក៏លើកទឹកចិត្តបន្តដល់ផលិតករភាពយន្តខ្មែរដទៃគួរព្យាយាមផលិតភាពយន្តដែលមានគុណភាពឡើងវិញ។ ទោះត្រូវចំណាយដើមទុនច្រើន ក្ដីក៏មិនងាយនឹងខាតឡើយព្រោះថានៅមានវិធីជាច្រើនទៀតដែលអាចប្រមូលយកដើមទុនមកវិញ ឬក៏អាចចំណេញវិញ ពេលដែលភាពយន្តនោះមានគុណភាព។

ជាក់ស្តែកភាពយន្តខ្មែរធ្លាប់មានវត្តមានលើកម្មវិធី Netflix នេះហើយ នោះគឺរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» តែខុសគ្នានឹងរឿង «Jailbreak» ដោយសារភាពយន្តនោះផលិតដោយអ្នកស្រី Angelina Jolie ដែលជាផលិតករភាពយន្តបរទេសដោយចំណាយដើមទុនជាង ១០លានដុល្លារ៕

អត្ថបទ៖ Sunny