រូប Selfie ១សន្លឹករបស់ប្រពន្ធលីយ៉ុងចេ គេនាំគ្នាបង្អាប់ពេញអ៊ីនធឺណិត

2018-05-09 09:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រស់របស់តារាសម្ដែង Kim Tae Hee បានក្លាយជាប្រធានបទថ្មីមួយទៀត ក្នុងប្រទេសកូរ៉េ ក្រោយពេលនាងបង្ហោះរូបមួយសន្លឹកកាលពីពេលថ្មីៗនេះ។

Kim Tae Hee

ថ្ងៃទី ០៨ ខែឧសភាម្សិលមិញ ភរិយា Rain បានបង្ហោះរូប Selfie មួយសន្លឹករបស់នាងលើ Instagram។ ក្រោយឃើញរូបនោះហើយ អ្នកប្រើអ៊ីនធឺណិតមានការភ្ញាក់ផ្អើល និងកត់សម្គាល់ថា តារាស្រីរូបនេះហាក់ដូចជាចាស់ជាងមុន។ រហូតអ្នកខ្លះបានយករូបនាង ប្រៀបធៀបជាមួយរូបតារាសម្ដែងជើងចាស់វ័យ ៥៤ឆ្នាំ Park Hae Mi ទៀត។

Park Hae Mi

មិនត្រឹមតែបង្អាប់ថាមុខចាស់ទេ អ្នកប្រើបណ្ដាញអ៊ីនធឺណិតទាំងនោះ បន្ថែមទៀតថា Kim Tae Hee មានទឹកដៃ Selfie អន់បំផុត។ ប៉ុន្តែទោះជាយ៉ាងណា ក៏នៅមានមតិខ្លះលើកឡើងថា នាងនៅតែស្រស់ស្អាត ហើយណាមួយតារាស្រីវ័យ ៣៨ឆ្នាំនេះ រៀបការប្ដី និងមានកូន១ហើយ មិនមែននៅទំនេរទេ ហេតុនេះពេលវេលាថែទាំខ្លួនក៏មិនសូវមានដែរ។ ពួកគេថែមទាំងបានបញ្ជាក់ទៀតថា សម្រស់ Tae Hee នៅតែលេចធ្លោជានិច្ច៕