ដឹងមូលហេតុ វីតវីត មិនហ៊ានសម្ដែងរឿងខ្មោច

2018-05-10 08:23:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីការិនីរូបស្អាត សំឡេងស្រទន់ វីតវីត មិនហ៊ានថតរឿងខ្មោចឡើយ ព្រោះនាងធ្លាប់មានបទពិសោធន៍ ខ្មោចមិត្តភក្តិមកពន្យល់សប្ដិហៅទៅនៅជាមួយ។

តាមវិទ្យាសាស្រ្ត គេមិនទាន់បញ្ជាក់ថាមានខ្មោចឲ្យច្បាស់នោះទេ ។ ពិតថា ខ្មោចជាពពួកអរូបមួយដែលមើលមិនឃើញចាប់មិនបាន ប៉ុន្តែពលរដ្ឋខ្មែរមានជំនឿយ៉ាងខ្លាំង ពិតជាមានក្នុងលោកនេះ។

ជាក់ស្ដែងកញ្ញា វីតវីត ថានាងខ្លាចខ្មោចខ្លាំងណាស់ រហូតដល់មិនហ៊ានសម្ដែងរឿងខ្មោច។ ស្រីស្រស់រូបនេះបានប្រាប់ ថា កន្លងមកនាងក៏ធ្លាប់សម្ដែងរឿងដែរ ប៉ុន្ដែនាងមិនទទួលការសម្ដែងរឿងខ្មោចនោះទេ។ ពិធីការិនីរូបនេះបញ្ជាក់ពីភាពភ័យខ្លាចរបស់ខ្លួនថា នាងធ្លាប់បានទៅចូលរួមពិធីបុណ្យសពមិត្តនាងដែលសម្លាប់ខ្លួនដោយការចងក ក្រោយពីវិលមិនផ្ទះវិញនាងចេះតែយល់សប្ដិឃើញមិត្តម្នាក់នោះហៅនាងឲ្យទៅនៅជាច្រើនដង។

«ខ្ញុំតែងតែយល់សប្ដិឃើញមិត្តមកហៅឲ្យទៅនៅជាមួយ តាំងពីពេលនោះមកខ្ញុំខ្លាចមែនទែន។ ខ្ញុំមានជំនឿលើម្ដាយខ្ញុំក្រោយពីគាត់ស្រោចទឹកឲ្យ ខ្ញុំក៏លែងយល់សប្ដិទៀត ខ្ញុំខ្លាចខ្មោចមែនទែន»។ វីតវីត បញ្ជាក់។

អត្ថបទ៖ ច្រឹក ស្រីអូន