“បុព្វេសន្និវាស” ភាគថៃដ៏ល្បីដើមឆ្នាំ២០១៨ ត្រៀមបញ្ចាំងលើទូរទស្សន៍ក្នុងស្រុក ខែមិថុនា

2018-05-12 04:13:38
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយដល់ចំណងជើងរឿង «បុព្វេសន្និវាស» ប្រិយមិត្តមួយភាគធំប្រាកដស្គាល់ និងខ្លះជក់តាមដានមើលអនឡាញជាភាសាថៃទៀតផងក៏មាន។

រឿងភាគនេះកក្រើកខ្លាំងនាដើមឆ្នាំ២០១៨ នេះ មិនថានៅថៃ និងខ្មែរ ដោយសារតែរឿងឆ្លងភពពីរសម័យកាលមួយនេះ មានឈុតឆាកស្នេហាផ្អែមៗច្រើនចាក់ដោតអ្នកកំពុងមានស្នេហា និងចង់មានស្នេហា តួស្អាតពូកែសម្តែង កំប្លុកកំប្លែង សម្លៀកបំពាក់បុរាណ បច្ចេកទេសថត។ ម្យ៉ាងទៀត ខ្សែរឿងនេះ អ្នកនិពន្ធបានប្រើពាក្យបុរាណមួយចំនួន ដែលសូម្បីតែជនជាតិថៃគ្នាឯង ក៏មិនធ្លាប់ឮគេនិយាយដែរ។

ជាដំណឹងល្អ ហើយលែងពិបាករកមើលលើ YouTube ទៀតហើយ ព្រោះទូរទស្សន៍ PNN ទទួលសិទ្ធិផ្តាច់មុខចាក់បញ្ចាំងរឿង “បុព្វេសន្និវាស” នៅខែមិថុនា នេះ ជាភាសាខ្មែរ ដោយមានគុណភាពសំឡេង និងរូបភាពច្បាស់។ អ៊ីចឹង កុំភ្លេចរង់ចាំតាមដានទស្សនា “បុព្វេសន្និវាស” ជាភាសាខ្មែរណា៎!