ខេមរៈ សិរីមន្ត ធ្វើឲ្យ ឌីជេក្ដឹប មានដង្ហើមដកឡើងវិញ

2018-05-19 06:52:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងនេះ ឌីជេក្ដឹប មានជំងឺបាក់ទឹកចិត្តយ៉ាងខ្លាំង បន្ទាប់ពីលោក ឪពុក បានបាត់បង់ជីវិត ដល់ថ្នាក់ធ្វើឲ្យអ្នកនិពន្ធបទ"បើកលុយ" រូបនេះប្រកាសដកខ្លួនចេញពីវិថីសិល្បៈ។ ប៉ុន្តែភាពអស់សង្ឃឹមធ្វើឲ្យលោក មានចិត្តតស៊ូឡើងវិញ ក្រោយពី ខេមរៈ សិរីមន្ត ចេញមុខជួយ។

ជាក់ស្ដែងនៅថ្ងៃនេះ ឌីជេក្ដឹប បានបង្ហោះសារនៅលើបណ្ដាញទំនាក់ទំនងសង្គមថា ខ្លួនពិតជាសប្បាយចិត្តខ្លាំងណាស់ ចំពោះកំពូលតារាចម្រៀង ខេមរៈ សិរីមន្ត ក្នុងការឲ្យតម្លៃ និងកិត្តិយសពុំអាចកាត់ថ្លៃបាន ទៅលើស្នាដៃរបស់លោក មុនដំបូងគេបង្អស់។ ខណៈពេលខ្លួនគ្មានសេសសល់អ្វី ហើយអង្គុយនៅលើរទេះរុញ។

រូបថតមួយសន្លឹក អមជាមួយពាក្យពេចន៍មានសង្ឃឹមឡើងវិញថា៖" បងនិយាយថា បងនៅរង់ចាំប្អូនមកវិញដោយស្នាមញញឹម កុំបាក់ទឹកចិត្ត ហើយកុំគិតថាខ្លួនឆ្កួត បងអត់ចង់បានដៃគូស្គម ជិះរទេះរុញអ៊ីចឹងទេ។ ឯចម្រៀងបងប្រគល់ផ្ដាច់មុខជូនប្អូនជាអ្នកសម្រេច តាមក្ដីប្រាថ្នាឲ្យតែកុំបោះបង់។ បងមន្តអើយ សម្ដីរបស់បងធ្វើឲ្យមនុស្សឆ្កួតហូរទៀតហើយ"។ ទឹកចិត្ត ខេមរៈ សិរីមន្ត ក៏បានធ្វើឲ្យ ឌីជេក្ដឹប សម្រេចបំណងឪពុកខ្លួន កាលពីនៅមានដង្ហើមទៀតផង៕