ហម ឈរ៉ា និង ហ៊ិន ច័ន្ទនីរ័ត្ន ត្រូវតែងតាំងជាទូតសុឆន្ទៈ គណៈកម្មាធិការទូក ង បំបែកឯកទគ្គកម្មពិភពលោក

2018-06-01 10:45:50
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសេចក្ដីប្រកាសព័ត៌មានរបស់គណៈធម្មាធិការផលិតទូក ង បានសម្រេចតែងតាំងលោក ហម ឈរ៉ា និងកញ្ញា ហ៊ិន ច័ន្ទនីរ័ត្ន ជាទូតសុឆន្ទៈ របស់គណៈកម្មាធិការផលិតទូក ង ដើម្បីបំបែកឯកទគ្គកម្មពិភពលោក។

ក្នុងសេចក្តីប្រកាសនោះបានបញ្ជាក់ថា ទូតសុឆន្ទៈទាំងពីររូប ជាតំណាងផ្លូវការក្នុងការជួយកៀរគរស្វែងរកការគាំទ្រកម្មវិធី ផលិតទូក ង ក៏ដូចជាផ្សព្វផ្សាយព័ត៌មាននានា អំពីកម្មវិធីផលិតទូក ង ទៅសាធារណៈជន ទូទៅតាមប្រព័ន្ធសារព័ត៌មាន បណ្ដាញសង្គម ឬក្នុងពិធីផ្សេងៗ។

គណៈធម្មាធិការផលិតទូក ង ដើម្បីបំបែកឯកទគ្គកម្មពិភពលោក ឲ្យដឹងថា ទូក ង របស់ខ្មែរមានប្រវែងវែងជាងគេលើពិភពលោក ( ៨៥, ៥០ ម៉ែត្រ) កំពុងដំណើរការផលិតនៅតំបន់ចុងប៉ម ក្រុងព្រៃវែង ខេត្តព្រៃវែង គ្រោងនឹងបញ្ចប់ជាស្ថាពរក្នុងខែកក្កដា ខាងមុខនេះ។ នេះជាការបង្ហាញពិភពលោកទាំងមូលឲ្យដឹងថា កម្ពុជាអាចបង្កើតស្នាដៃដ៍អស្ចារ្យមួយ និងជំរុញស្មារតីស្នេហាជាតិ និងសាមគ្គីភាពនៃយុវជនជាកូនចៅជំនាន់ក្រោយ ក្នុងការថែរក្សានិងអភិរក្សកេរដំណែល៕