អ្នកនិពន្ធជើងចាស់ អ៊ុំ សុផានី ទទួលមរណភាព ព្រឹកមិញនេះ

2018-06-02 06:54:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិពន្ធជើងចាស់ អ្នកស្រី អ៊ុំ សុផានី បានទទួលមរណភាពហើយនៅព្រឹកថ្ងៃទី២ មិថុនា ឆ្នាំ២០១៨នេះ ដោយសារជំងឺ។

អ្នកស្រី អ៊ុំ សុផានី ជាអ្នកនិពន្ធខ្មែរមួយរូបដែលមានទេពកោសល្យ និងស្រលាញ់ការតែងនិពន្ធ។ កន្លងមកត្បិតតែមានវ័យច្រើនទៅហើយក្តី តែអ្នកស្រីតែងចូលរួមយ៉ាងសកម្មក្នុងការលើកកម្ពស់វិស័យតែងនិពន្ធ និងអក្សរសាស្ត្រខ្មែរ មិនតែប៉ុណ្ណោះស្នាដៃប្រលោមលោមរបស់អ្នកស្រីក៏ធ្លាប់ទទួលបានជយលាភីផងដែរ។

អ្នកនិពន្ធ អ៊ុំ សុផានី (រូបឆ្វេងដៃ)

នេះជាដំណឹងដ៏ក្រៀមក្រំនៃការបាត់បង់អ្នកនិពន្ធខ្មែរម្នាក់ដែលបានចូលរួមចំណែក និងបន្សល់ទុកស្នាដៃជាច្រើន ក្នុងវិស័យអក្សរសិល្ប៍ខ្មែរ ដូចជាប្រលោមលោករឿង "លោហិតតែមួយ" "ក្រោមដំណក់ទឹកភ្លៀង" "ចិញ្ចៀនសំបុកស្រមោច" ជាដើម។

សពអ្នកនិពន្ធ អ៊ុំ សុផានី តម្កល់ធ្វើបុណ្យតាមប្រពៃណីខ្មែរ នៅគេហដ្ឋានអ្នកស្រី នាខណ្ឌចំការមក រាជធានីភ្នំពេញ។

អត្ថបទ៖ ដេត ធន្នី