ម្ចាស់​ជើងឯក​នៅ​​អ៊ីតាលី Juventus បាន​​​ចុះ​កុងត្រា​ផ្ទេរ​យក​​ខ្សែ​បម្រើ​ប្រយុទ្ធ​ប្រេស៊ីល Douglas Costa ជា​ផ្លូវការ​ពី​ក្លឹបBayern Munich ក្នុង​តម្លៃ​៣៥,២​លាន​ផោន។

តាម​ការ​ពិភាក្សា កីឡាករ​វ័យ​២៧​ឆ្នាំ​បាន​ចុះ​កុងត្រា​រយៈពេល​៤​ឆ្នាំ បន្ទាប់​ពី​ចំណាយ​ពេល​ខ្ចី​ជើង​មួយ​​រដូវ​កាល​​ជាមួយ Juventus។ ក្នុង​ការ​បង្ហាញ​ខ្លួន​កន្លង​ទៅ Costa រក​បាន​៤​គ្រាប់ និង​បញ្ជូន​ឲ្យ​ដៃ​គូ​ទាត់​ចូល​១៤​ដង សម្រាប់​ក្រុម​លោក Massimiliano Allegri ជួយ​ឲ្យ​ពួក​គេ​ឈ្នះ​ពាន​លីគ និង​ពាន Coppa Italia លើក​ទី​១៣។

ដោយ​មើល​ឃើញ​ទម្រង់​លេង​ល្អ​បែប​នេះ Douglas Costa ក៏​ត្រូវ​បាន​ជម្រើស​ជាតិ​ប្រេស៊ីល​កោះហៅ​ ដើម្បី​ចូលរួម​ក្នុង​ព្រឹត្តិការណ៍ World Cup ដែល​ខិត​ជិត​មក​ដល់​នៅ​រយៈពេល​៦​ថ្ងៃ​ទៀត៕

ប្រភព៖ BBC   ប្រែ​សម្រួល៖ ហេង សុធារិទ្ធិ