វិបសាយ Phone Arena បានធ្វើ​ការ​ស្ទង់មតិមួយជាមួយសំនួរសួរថា "ស្មាតហ្វូនថាណា​មាន​ក្បាល​ឆក​មុន​គេ?"។ លទ្ធផលបង្ហាញថាមានភាគច្រើនឆ្លើយ​ខុស។

ក្នុងចំណោមអ្នកចូលរួមប្រមាណ​ ៣ ៦០០ នាក់ មាន​ប្រមាណ​ ៦៣% បាន​បោះឆ្នោតថា Essential Phone ជាស្មាតហ្វូន​មាន​ក្បាលឆកមុនគេ។ ខណៈ​ដែល​ Sharp Aquos S2 ដែលជាស្មាតហ្វូន​​មាន​ក្បាល​ឆក​មុន​គេ ទទួល​បាន​​សំឡេងឆ្នោតត្រឹមប្រមាណ​ ២៤%។ ចំណែក iPhone X ទទួលបានជិត ៧%។

គួរ​ដឹង​ថា​ Sharp Aquos S2 ជា​ស្មាតហ្វូន​ក្បាល​ឆក​ដែល​បាន​បង្ហាញ​ខ្លួន​ជា​ផ្លូវ​ការ​នៅ​ថ្ងៃ​ទី​ ១៤ ខែ​សីហា​ ឆ្នាំ​ ២០១៧។ ចំណែក Essential Phone វិញ​បាន​បង្ហាញ​ខ្លួន​នៅ​ថ្ងៃ​ទី​ ១៧ ខែ​សីហា​ ​និង iPhone X បង្ហាញ​ខ្លួន​នៅ​ថ្ងៃ ១២ ខែ​កញ្ញា៕

ប្រភព៖ PhoneArena   ប្រែ​សម្រួល៖ សុខហេង