បណ្ឌិតច្នៃម៉ូដ ឯម រៀម មិនកំណាញ់ ចែករំលែកមកុដអប្សរាដល់អ្នកផលិតភាពយន្ត

2018-06-11 04:38:20
ចំនួនមតិ 0 | ចំនួនចែករំលែក 0

ចន្លោះមិនឃើញ

មកុដអប្សរា ដែលធ្លាប់មានរឿងចម្រូងចម្រាស់ ត្រូវបានបណ្ឌិតច្នៃម៉ូដ ឯម រៀម យកមកប្រើម្តងទៀតក្នុងភាពយន្តខ្លីមួយដែលនិយាយពីស្រ្តីម្នាក់ជអ្នករបាំបុរាណខ្មែរ។ ភាពយន្តខ្លីនោះមានចំណងជើងថា «នារីរបាំ» ដោយមានឈុតជាច្រើនដែលត្រូវការ មកុដ និងសម្លៀកបំពាក់អប្សរា និងការតុបតែង រម្លឹកឡើងវិញសម័យកាលឆ្នាំ ១៩៧០។

បណ្ឌិតម៉ូដ ឯម រៀម

តាមរយៈលោក ឯម រៀម សម្លៀកបំពាក់ និងមកុដអប្សរានេះ លោកជួយរៀបចំ និងចំណាយពេលវេលាដោយសុទ្ធចិត្ត មិនមានយកកម្រៃថ្លៃថ្នូរមកដោះដូរឡើយ។ លោក ឯម រៀម បានបន្តថា ដោយសារនេះជាសាច់រឿងល្អ មានរសនិយម និងមានគោលបំណងចង់ផ្សព្វផ្សាយពីសិល្បៈខ្មែរ ណាមួយដោយសារផលិតករនៅក្មេង ថែមទាំងខ្វះខាតធនធាន ទើបលោកជួយរៀបចំសម្លៀកបំពាក់នេះ ដោយមិនយកកម្រៃរយៈពេល ២ថ្ងៃនៅកន្លែងថតភាពយន្តខ្លីនេះក្នុងខេត្តកែប។

លោក ឯម រៀម និងក្រុមផលិត

ការចូលរួមចំណែកក្នុងការផលិតភាពយន្តបែបនេះ សិល្បករម៉ូដដ៏កំពូលម្នាក់នេះថា ជាការងារដែលរូបលោកពេញចិត្ត លើសពីនោះទៀតរូបលោកកាន់តែចូលចិត្តពេលដែលផលិតករ អ្នកដឹករឿងគិតផលិតភាពយន្តណាដែលបង្ហាញពីវប្បធម៌ខ្មែរបែបនេះ។ រូបលោកសង្ឃឹមថារូបភាព និងសាច់រឿង នៃភាពយន្តខ្លី «នារីរបាំ» នេះនឹងចេញផ្សាយឆាប់ៗ ដើម្បីបង្ហាញដល់សារធារណៈជន ៕