កូនខ្មែរមិនអន់ទេ! Maurice Chan ឡើងបង្ហាត់ក្បាច់ប្រយុទ្ធដល់តួសម្តែងរបស់ Avengers Show

2018-06-14 04:06:19
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Maurice Chan ជាតារាសម្ដែង Stunt (តួជំនួស) សញ្ជាតិខ្មែរ មួយរូបនៅ Hollywood ដែលធ្លាប់សម្ដែងជាមួយតារាល្បីៗជាច្រើនដូចជា Jet Li លោក Morgan Freeman និង Scarlett Johansson ក្នុងរឿង Lucy និងរឿងល្បីជាច្រើនទៀត។

លោក Maurice Chan ជាមួយតារាសម្តែង Scarlett Johansson ក្នុងរឿង Lucy

លោក Maurice Chan ត្រូវបានក្រុមហ៊ុនយក្ស Marvel Studio ជួលឲ្យធ្វើការងារមួយសម្រាប់ការសម្ដែងល្ខោនមួយនៅសួនកម្សាន្ត Disneyland ប្រចាំទីក្រុងប៉ារីស ប្រទេសបារាំង។ គម្រោងនោះតម្រូវឲ្យលោកធ្វើជាអ្នកបង្ហាត់គុន និងរៀបចំឈុតឆាកវាយប្រហារទាំងអស់ ក្នុងល្ខោនមួយមានចំណងជើងថា "Avengers Show”។

លោក Maurice Chan និងតួ Thor ក្នុង Avengers Show

ការសម្ដែងនេះនឹងមានការចូលរួមដោយតារាសម្ដែងដល់ទៅ ៣០រូប ហើយមិនត្រឹមតែប៉ុណ្ណោះ វាគឺជាការសម្ដែងលើកដំបូងរបស់ "Avengers Show” នៅកន្លែងកម្សាន្ត Disneyland ទូទាំងពិភពលោក ចាប់ពីថ្ងៃទី ១០ ខែមិថុនា នេះតទៅ។

លោក Maurice លើកឡើងថា នេះជាឱកាសដ៏ល្អមួយសម្រាប់លោក និងប្រទេសកម្ពុជា ហើយនេះជាការសម្ដែងលើកទី១ សម្រាប់ 'Avenger Show' នៅកន្លែងកម្សាន្ត Disneyland ទូទាំងពិភពលោក ហើយវាជាកិត្តិយសដែលបានចូលរួមចំណែកចំពោះការសម្ដែងលើកដំបូងនេះនៅទីក្រុងប៉ារីស៕