មកដឹងប្រវត្តិសិក្សា កូនស្រីតែម្នាក់គត់របស់ប្រធានាធិបតីចិន

2018-06-17 02:18:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា Xi Mingze ជាកូនស្រីតែម្នាក់របស់ប្រធានាធិបតីចិន លោក ស៊ី ជិន ភីង និងភរិយាទី២របស់លោក គឺលោកស្រី Peng Liyuan។

កញ្ញា Xi Mingze កើតនៅថ្ងៃទី២៧ មិថុនា ឆ្នាំ១៩៩២ នៅក្នុងតំបន់ Funian ខែត្រ Sichuan ប្រទេសចិន។ ខាងក្រោមនេះជាប្រវត្តិសិក្សាត្រួសៗ របស់កញ្ញា Xi Mingze៖

កញ្ញា Xi Mingze បានចូលសិក្សានៅក្នុងសាលាភាសាបរទេស Hangzhou ចាប់ពីឆ្នាំ២០០៦ ដល់ឆ្នាំ២០០៨។ ក្នុងសាលានេះ កញ្ញា បានសិក្សាភាសាបារាំង និងមុខវិជ្ជាផ្សេងៗទៀត។

ឆ្នាំបន្ទាប់ទៀត កញ្ញា Mingze បានចុះឈ្មោះចូលរៀនក្នុងសកលវិទ្យាល័យ Zhejiang និងចំណាយពេលប្រហែលមួយឆ្នាំ សម្រាប់ការសិក្សាបរិញ្ញាបត្ររបស់នាង។

ក្នុងឆ្នាំ២០១០ កូនស្រីរបស់អគ្គបុរសចិនរូបនេះ ត្រូវបានបញ្ជូនឲ្យទៅសិក្សានៅសកលវិទ្យាល័យ Harvard ក្នុងរដ្ឋ Massachusetts សហរដ្ឋអាមេរិក។ ក្នុងសកលវិទ្យាល័យដ៏ល្បីល្បាញនេះ កញ្ញា Mingze បានសិក្សាមុខវិជ្ជាចិត្តសាស្ត្រ និងភាសាអង់គ្លេស។

កញ្ញាបានបញ្ចប់ការសិក្សាក្នុងខែឧសភា ឆ្នាំ២០១៤ រួចត្រឡប់ទៅកាន់ប្រទេសចិនវិញ។ សព្វថ្ងៃនេះ កញ្ញា Mingze កំពុងរស់នៅក្នុងទីក្រុងប៉េកាំង ប្រទេសចិន៕