"ហ្លួងព្រះស្តេចកន" បញ្ចាំងឲ្យមើល Free ក្នុងគោលបំណងធំមួយ

2018-06-20 10:34:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តប្រវត្តិសាស្ត្ររឿង «ហ្លួងព្រះស្តេចកន» នឹងត្រឡប់មកវិញជាថ្មី ដោយបញ្ចាំងឲ្យទស្សនាដោយសេរី រយៈពេល ៣ ថ្ងៃ គឺចាប់ពីថ្ងៃទី ២២-២៤ មិថុនា ២០១៨ ពីម៉ោង ៦:០០-៩:០០យប់ នៅវាលព្រះមេរុ។ ការចាក់ផ្សាយឡើងវិញនេះ គឺជាការចូលរួមចំណែកលើកស្ទួយ និងគាំទ្រដល់ព្រឹត្តិការណ៍ដ៏ធំមួយក្នុងប្រទេស គឺព្រឹត្តិការណ៍បំបែកឯតទគ្គកម្មក្រមាវែងជាងគេលើពិភពលោក។

អំឡុងពេលបើកឲ្យទស្សនាដោយសេរីនេះ ក្រុមការងារនៃស្ថានីយទូរទស្សន៍ PNN នឹងរៀបចំការកម្មវិធីផ្សេងៗ ដើម្បីឲ្យអ្នកចូលរួមលេងកម្សាន្ត និងឈ្នះរង្វាន់ជាច្រើនដូចជា៖

ថ្ងៃទី ២២៖ អ្នកនឹងបានជួបផ្ទាល់ជាមួយតួឯកប្រុស និងតួឯកស្រីក្នុងរឿង «ហ្លូងព្រះស្តេចកន» គឺលោក រស់ សោភ័ណ្ឌ និងកញ្ញា ឈុំ វត្តី។
ថ្ងៃទី ២៣៖ មានការលេងហ្គេមសប្បាយៗ ដើម្បីឈ្នះរង្វាន់ពិសេសៗ។
ថ្ងៃទី ២៤៖ នឹងមានវត្តមានតារាដ៏ល្បីប្រចាំកម្ពុជាគឺ ស៊ិន យូប៊ីន និង ខាត់ វៃហាំង។ ដូច្នេះអ្នកគាំទ្រ អាចទៅជួបផ្ទាល់ ឬថតរូបជាមួយពួកគេបានដោយសេរី។

នៅថ្ងៃចុងក្រោយដដែលនេះ ក៏មានការលេងហ្គេមថ្មី១ ដែលនឹងផ្ដល់ជូន ពានរង្វាន់ ដល់អ្នកជាប់ជ័យលាភីចំនួន៣រូប។ ឯអ្នកដែលមិនទទួលបានជោគជ័យ ក៏ទទួលបានរង្វាន់លួងចិត្តជាច្រើនដែរ។

ការចាក់បញ្ចាំងរឿង «ហ្លួងព្រះស្តេចកន» ទទួលបានការសហការពីស្ថានីយទូរទស្សន៍ PNN ជាមួយភេសជ្ជៈប៉ូវកំលាំងWURKZ និង ទឹកពិសារបរិសុទ្ធកម្ពុជា៕

ទស្សនាវីដេអូខាងក្រោម៖

អត្ថបទ៖ សុខណា