ទិដ្ឋភាពសិល្បករចូលរួមពិធីបូជាសព ឌីជេ អាលីយ៉ា យ៉ាងក្ដុកក្ដួលនារសៀលនេះ

2018-06-28 10:12:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សព ឌីជេ អាលីយ៉ា ត្រូវបានបូជាហើយនៅរសៀលម៉ោង៣ និង៣០នាទីថ្ងៃនេះនៅវត្តទួលសន្តិវ័ន ក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ដោយមានការអញ្ជើញចូលរួមរំលែកទុក្ខពីសិល្បករ ព្រមទាំងពុកម៉ែបងប្អូនជាច្រើននាក់ទៀតផង។

ក្នុងទឹកមុខក្រៀមក្រំជាមួយអារម្មណ៍សោកស្ដាយបំផុតអ្នកនាង ចន ច័ន្ទលក្ខិណា បានរៀបរាប់ថា ក្រោយពីពិធីបូជាសពរួច ពិធីបុណ្យ ៧ថ្ងៃ ឌីជេ អាលីយ៉ា នឹងត្រូវធ្វើឡើងនៅថ្ងៃទី៣ ខែកក្កដា ឆ្នាំ ២០១៨នេះនៅវត្តនាគវ័ន។ ដូច្នេះអ្នកនាង សូមអំពាវនាវសិល្បករ និងសិល្បការិនីទាំងអស់ទៅចូលរួមឲ្យបានច្រើនកុះករ។

“ចំពោះបងប្អូនសិល្បករយើងមួយចំនួនដែលពួកគាត់មិនបានមកចូលរួមបុណ្យសព អាលីយ៉ា នៅថ្ងៃនេះដោយសារតែរវល់ជាមួយការងារសិល្បៈ។ ដូច្នេះតាំងនាមខ្ញុំ ជាប្រធានសមាគមសិល្បករខ្មែរសូមអំពាវបងប្អូនសិល្បករយើងមកចូលរួមបុណ្យ ៧ថ្ងៃគាត់នៅថ្ងៃទី៣ ខាងមុខនេះ នៅវត្តនាគវ័ន"។អ្នកនាង ចន ច័ន្ទលក្ខិណា បញ្ជាក់៕