ប្រេនហ្វេសិនល្បីៗទាំង១០ ដែលគេលែងចាប់អារម្មណ៍និង១០ទៀតកំពុងតែពេញនិយម

2018-07-02 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាទេ មនុស្សភាគច្រើនដែលមានទ្រព្យសម្បត្តិតែងតែប្រើប្រាស់ផលិតផល ដែលមានកេរ្តិ៍ឈ្មោះល្បីដើម្បីតំណាងឲ្យភាពមានបានរបស់ពួកគេ។ ទោះជាយ៉ាងណាក៏ដោយ ប្រេនទាំងនោះមានខ្លះៗបានសាបរលាបភាពពេញនិយម ខ្លះទៀតកំពុងតែត្រូវគេចាប់អារម្មណ៍ខ្លាំង។

នេះជាបណ្ដាប្រេនទាំង១០ ដែលកំពុងតែសាបរលាប៖

២០. Michael Kors

ក្នុងរយៈពេលប៉ុន្មានឆ្នាំចុងក្រោយ ប្រេនល្បីខ្លាំងមួយនេះកំពុងតែប្រឈមមុខនឹងការបាត់បង់ចំណូលជាខ្លាំង ដល់ថ្នាក់បិទតូបលក់ផលិតផលនេះជាច្រើនកន្លែងទៀតផង។ នេះដោយសារតែប្រេននេះផលិតម៉ូដថ្មីស្រដៀងៗគ្នា គ្មានការរីកចំរើន។

១៩. Coach

ប្រេនដ៏ល្បីឈ្មោះមួយនេះ ធ្លាប់ជាប់ឈ្មោះជាប្រេនលក់កាបូបយួរដៃបានច្រើនជាងគេទូទាំងពិភពលោក។ កាលពីឆ្នាំ ២០១២ Coach រកចំណូលបានដល់ទៅ ៤ប៊ីលានដុល្លារឯណោះ ប៉ុន្តែពេលនេះ Coach លក់មិនសូវដាច់ដូចមុនទេ ដោយសារតែមិនសូវមានការចាប់អារម្មណ៍។

១៨. Ralph Lauren

ប្រេនល្បីឈ្មោះមួយទៀតរបស់អាមេរិក គឺកំពុងតែមានបញ្ហាយ៉ាងខ្លាំង ចំពោះចំណូល។ គិតត្រឹមចុងឆ្នាំ ២០១៧ យោងទៅតាមទស្សនាវដ្ដី Fortune ចំណូលប្រេននេះចុះថយដល់ទៅ ២៧ភាគរយ។

១៧. Tommy Hilfiger

ប្រេនផលិតផលអាមេរិក ផលិតឆ្នាំ ១៩៨៥មួយនេះ លែងក្លាយជាប្រេនពេញនិយមដូចមុនហើយ។

១៦. Louis Vuitton

Lous Vuitton គឺជាម៉ូដដ៏ល្បីមួយនៅពិភពលោក ដោយមានតម្លៃទុនសរុបដល់ទៅ ៣០ប៊ីលានដុល្លារឯណោះ។ ទោះបីជាទទួលបានការពេញនិយមខ្លាំង ចំពោះនិមិត្តសញ្ញាអក្សរ L និង V ពេលនេះប្រេននេះមិនសូវជាជម្រើសដំបូងរបស់អ្នកទិញទៀតឡើយ។

១៥. Burberry

Burberry គឺជាប្រេនរបស់អង់គ្លេស ដែលបានបង្កើតតាំងពីឆ្នាំ ១៨៥៦មកម្ល៉េះ។ Burberry មានលក់ផលិតផលជាច្រើនប្រភេទដូចជាអាវក្រៅ កាបូប និងកន្សែងជាដើម។ ដោយសារតែមានតម្លៃថ្លៃៗខ្លាំងពេក ប្រេននេះមិនសូវជាមានការពេញនិយមដូចមុននោះទេ។

១៤. Tiffany

Tiffany ល្បីខ្លាំងកាលទសវត្សឆ្នាំ ២០០០ ក្រោយមកក៏មិនសូវជាទទួលការពេញនិយមប៉ុន្មាននោះទេ ដោយសារតែអ្នកប្រើប្រាស់បានព្យាយាមរកផលិតផលថ្មីជំនួសវិញ។

១៣. Louboutin

ក្រុមហ៊ុនប្រេនស្បែកជើងមួយនេះ កំពុងតែបាត់អតិថិជនជាច្រើនដោយសារបញ្ហាខ្លះៗពាក់ព័ន្ធនឹងការប្ដឹងមិនឲ្យក្រុមហ៊ុនប្រេនផ្សេងៗ ប្រើប្រាស់ពណ៌ក្រហមដែលដាក់បញ្ចូលនៅម៉ូដស្បែកជើងខ្លួន។

១២. Montblanc

ប្រេនផលិតផលប៊ិចនេះ ធ្លាប់តែល្បីឈ្មោះខ្លាំង ប៉ុន្តែពេលនេះកំពុងតែបាត់បង់ការគាំទ្រយ៉ាងខ្លាំង ព្រោះតម្លៃថ្លៃខ្លាំងពេក។

១១. Juicy Couture

ប្រេននេះមានលក់ផលិតផល កាបូបយួរដៃ ទឹកអប់ និងអាវហែលទឹកជាដើម។ ប្រេននេះចាប់ផ្ដើមល្បីឈ្មោះនៅពេលតារាល្បីៗ ដូចជា Britney Spears, J-Lo និង Paris Hilton ជាដើមបានប្រើប្រាស់។ ក្រោយពីលក់ក្រុមហ៊ុននៅក្នុងតម្លៃ ១៩៥លានដុល្លារកាលពីឆ្នាំ ២០១៣ ប្រេននេះគឺស្រាប់តែស្ងាត់ឈឹងមិនទាន់ឭដំណឹងទាក់ទង។ នេះជាបណ្ដាប្រេនទាំង១០ ដែលកំពុងតែពេញនិយម៖

១០. Balenciaga

ប្រេនរបស់ប្រទេសអេស្ប៉ាញមួយនេះ កំពុងតែត្រូវជាទទួលស្គាល់ច្រើន និងចាប់ផ្ដើមបង្កើតផលិតផលថ្មីបន្ថែមទៀត។

៩. Gucci

ជាមួយដើមទុនតម្លៃ ១៥ ប៊ីលានដុល្លារ Gucci កំពុងតែរីកចម្រើនខ្លាំង និងទទួលបានភាពជោគជ័យក្នុងរយៈពេលប៉ុន្មានឆ្នាំមកនេះ។

៨. Vans

Vans ជាទីពេញនិយមសម្រាប់ក្មេងៗវ័យជំទង់ តាំងពីទសវត្សឆ្នាំ ១៩៩០។ ថ្មីៗនេះដោយមានការសហការជាមួយក្រុមហ៊ុនសៀវភៅថ្លុក Marvel ប្រេនស្បែកជើងមួយនេះកំពុងតែជោគជ័យខ្លាំង។

៧. Fenty By R

ប្រេនផលិតផលគ្រឿងសម្អាងរបស់ Rihanna នេះកំពុងតែពេញនិយមខ្លាំង។ ក្នុងរយៈពេលមួយខែពេលចាប់ផ្ដើមដំណើរការលក់ Fenty រកចំណូលបានដល់ទៅ ៧២លានដុល្លារ។

៦. Off White

Off White គឺជាប្រេនសម្លៀកបំពាក់កំពុងចាប់ផ្ដើមល្បីខ្លាំង ដល់ថ្នាក់ដណ្ដើមបានចំណាត់ថ្នាក់លេខ១កាលពីឆ្នាំ ២០១៧។

៥. Vetements

Vetements ជាប់ឈ្មោះក្នុងបណ្ដាប្រេនហ្វេសិនរកចំណូលបានច្រើនជាងគេទាំង៥ នៅឆ្នាំ ២០១៧ និង ២០១៨។

៤. Valentino

Valentino ជាប្រេនរបស់លោក Valentino Clemente Ludovico Garavani ដែលជាអ្នកច្នៃម៉ូដដ៏ល្បីជនជាតិអ៊ីតាលីមួយរូប។ បន្ទាប់ពីបានបង្ហាញម៉ូដសម្លៀកបំពាក់លោកក្នុងកម្មវិធីដើរម៉ូដនៅទីក្រុងប៉ារីស ពេលនោះលោកបានចូលនិវត្តន៍ ជាមួយទឹកប្រាក់ ១,៥ប៊ីលានដុល្លារ។

៣. Stone Island

ប្រេនសម្លៀកបំពាក់បុរស ពីប្រទេសអ៊ីតាលីមួយនេះ កំពុងតែល្បីខ្លាំងទូទាំងពិភពលោក។ តារាល្បីៗដូចជា Drake និង Liam Gallagher ជាដើមសុទ្ធតែជាអ្នកគាំទ្រប្រេននេះ។

២. Moncler

គិតត្រឹមនេះប្រេន Moncler មានអាយុ៦៦ឆ្នាំហើយ ដែលកំពុងតែល្បីឈ្មោះជាខ្លាំង។ អាវធំមួយរបស់ Moncler អាចមានតម្លៃដល់ទៅ ២ពាន់ដុល្លារឯណោះ ធ្វើឲ្យទុនសរុបរបស់ប្រេននេះមានតម្លៃមិនតិចជាង ១,៥ប៊ីលាននោះទេ។

១. Raf Simons

Raf Simons ចាប់ផ្ដើមល្បីនៅឆ្នាំ ១៩៩៥ ហើយពេលនេះគឺជាទីពេញនិយមរបស់តារាល្បីៗ។ តារាចម្រៀង Rihanna, Frank Ocean និង Big Sean សុទ្ធតែជាតារាៗពេញចិត្តប្រេនសម្លៀកបំពាក់នេះ៕

ប្រភព៖ Therichest ប្រែសម្រួល៖ ធារ៉ូ