រង្វាន់​ជា​លេខកូដ​សម្រាប់​បញ្ចូល​ក្នុង​សេវា​កម្សាន្ត FireStorm ដើម្បី​ប្ដូរ​យក​រង្វាន់​ជា​សព្វាវុធ​ប្រយុទ្ធ​ទំនើបៗ ខ្លាំងៗ និង​ឡូយៗ​ជាច្រើន​សន្លឹក បាន​ត្រៀម​រួច​ជាស្រេច​សម្រាប់​ប្រគល់​ជូន​ទស្សនិកជន​បច្ចេកវិទ្យា​ដែល​បាន​មក​ចូលរួម​ក្នុង​ពិព័រណ៍ ITET 2014 នៅ​មជ្ឈមណ្ឌល​សន្និបាត និង​ពិព័រណ៍​កោះ​ពេជ្រ។

អាន៖ កុំព្យូទ័រ Sabay ចំនួន ១៨ គ្រឿង​រៀបចំ​រួច​ជាស្រេច​សម្រាប់​ទស្សនិកជន ITET 2014

ពិតជា​ងាយ​ណាស់​ក្នុង​ការ​ទទួល​យក​លេខ​កូដ​នេះ​ពី​សេវា​កម្សាន្ត FireStorm។ ប្រិយមិត្ត​គ្រាន់តែ​ធ្វើ​ការ​បង្កើត​គណនី​កម្សាន្ត FireStorm នៅ​ស្តង់ Sabay ក្នុង​ពិព័រណ៍ ITET 2014 ក្រុម​ការងារ​សេវា​កម្សាន្ត​នឹង​បញ្ចូល​លេខកូដ​រង្វាន់​នោះ​ទៅ​ក្នុង​គណនី​របស់​ប្រិយមិត្ត​ភ្លាម។

កាន់តែ​អស្ចារ្យ​ជាង​នេះ​ទៅ​ទៀត​នោះ​គឺ​ថា បន្ទាប់​ពី​បង្កើត​គណនី​កម្សាន្ត FireStorm រួច​ហើយ ប្រិយមិត្ត​គ្រាន់តែ​ចំណាយ​ពេល​សាកល្បង​កម្សាន្ត​បង្កើន​កម្រិត Level តួអង្គ​ប្រយុទ្ធ​របស់​អ្នក​ឲ្យ​ដល់​កម្រិត Level 5 នោះ​ប្រិយមិត្ត​នឹង​ទទួល​បាន​បាន​អាវយឺត​ដ៏​ស្រស់ស្អាត​មួយ​ភ្លាម​ផង​ដែរ។ រង្វាន់​មាន​សម្រាប់​តែ​អ្នក​កម្សាន្ត​ថ្មីៗ​ហ្នឹង អត់​មាន​រង្វាន់​សម្រាប់​អ្នក​កម្សាន្ត​ជើងចាស់​ទេ?

អាន៖ Age Of Naga និង Avatar ផ្ដល់​រង្វាន់​ពិសេសៗ​ជាច្រើន​ក្នុង​ពិព័រណ៍ ITET 2014 បី​ថ្ងៃ​នេះ

រង្វាន់​មាន​ដូច​គ្នា​ហ្នឹង! សម្រាប់​អ្នក​ជើងចាស់​វិញ​កាន់តែ​ស្រួល​ទៅ​ទៀត! អ្នក​កម្សាន្ត​ដែល​មាន​តួអង្គ​ប្រយុទ្ធ​មាន​កម្រិត​ចាប់ពី Level 30 ឡើង​ទៅ គ្រាន់តែ​មក Log In បង្ហាញ​តួអង្គ​ប្រយុទ្ធ​ឲ្យ​ក្រុម​ការងារ​សេវា​កម្សាន្ត FireStorm ឃើញ ប្រិយមិត្ត​នឹង​ទទួល​បាន​អាវយឺត Sabay មួយ​ផង​ដែរ​ពី​ក្រុម​ការងារ FireStorm។

ក្រៅពី​ការ​ចែក​រង្វាន់​ហ្វ្រីៗ​បែប​នេះ សេវា​កម្សាន្ត FireStorm ក៏​បាន​រៀបចំ​ការ​ប្រកួត​ទាំង​វគ្គ​ប្រយុទ្ធ PVE និង PVP ដើម្បី​ផ្ដល់​ឱកាស​ឲ្យ​អ្នក​កម្សាន្ត​បាន​សាកល្បង​សមត្ថភាព​ប្រយុទ្ធ ផ្លាស់ប្ដូរ​បទពិសោធន៍​រវាង​គ្នា​ទៅ​វិញ​ទៅ​មក ក៏​ដូចជា​បង្កើន​ទំនាក់ទំនង​ឲ្យ​កាន់តែ​ជិតស្និទ្ធ​ផង​ដែរ។

អត្ថបទ៖ ភីឆាយ