ក្ដៅ! គ្រូបង្វឹក និងក្រុមជម្រើសជាតិដែលកំពុងឡើងជើងអ៊ីស្លង់ បានដើរដល់ផ្លូវបំបែក

2018-07-17 12:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Heimir Hallgrimsson អម្បាញ់មិញនេះ បានប្រកាស "លាលែង" ពីតំណែងគ្រូបង្វឹកក្រុមជម្រើសជាតិអ៊ីស្លង់ បន្ទាប់ពីកាន់តំណែងនេះអស់រយៈពេល ៥ ឆ្នាំ។

យ៉ាងនេះក្ដី លោក Hallgrimsson មិនបានបញ្ជាក់ពីមូលហេតុដែលនាំឲ្យលោកធ្វើបែបនេះឡើយ ដោយលោកគ្រាន់តែនិយាយសរសើរអ្វីដែលក្រុមជម្រើសជាតិអ៊ីស្លង់បានសម្រេចបានជាច្រើន កាលពីពេលកន្លងទៅថ្មីៗនេះ។

សហព័ន្ធបាល់ទាត់អ៊ីស្លង់ក៏មិនបានបកស្រាយច្រើនដែរ ដោយគ្រាន់តែថា ការលាលែងពីតំណែងគ្រូបង្វឹកនេះ គឺជាសេចក្ដីសម្រេចចិត្តរបស់លោក Hallgrimsson ផ្ទាល់។ បន្ទាប់មក សហព័ន្ធបានជូនពរអតីតគ្រូបង្វឹក និងប្រកាសត្រៀមរកអ្នកជំនួស។

សូមបញ្ជាក់ផងដែរ ក្នុងរយៈពេលប៉ុន្មានឆ្នាំចុងក្រោយនេះ ក្រុមជម្រើសជាតិអ៊ីស្លង់បានធ្វើបានសម្រេចរឿងជាច្រើន។ ក្រុមបានចូលរួមក្នុង Euro កាលពីឆ្នាំ ២០១៦ ហើយបានលេងឡើងដល់វគ្គ ៨ក្រុមចុងក្រោយ។ មិនតែប៉ុណ្ណោះ ពួកគេថែមទាំងលេងបានយ៉ាងល្អក្នុងវគ្គជម្រុះ World Cup រហូតអាចបានចូលរួមក្នុងកម្មវិធីនេះជាលើកដំបូងក្នុងប្រវត្តិសាស្ត្រខ្លួន។ លើសពីនេះ នៅក្នុងវគ្គ Group Stage ប្រទេសដែលមានពលរដ្ឋមិនដល់ ៣៥ ម៉ឺននាក់ អាចលេងបានស្មើ ១ នឹង ១ ទល់នឹងក្រុមជម្រើសជាតិអាហ្សង់ទីន។ ទោះជាយ៉ាងណា លទ្ធផលមិនល្អក្នុងប្រកួតបន្តបន្ទាប់ទៀតធ្វើឲ្យក្រុមត្រូវបានជម្រុះត្រឹមវគ្គ Group Stage៕