Tom Cruise ចំណាយពេលមួយឆ្នាំកន្លះដើម្បីរៀនបើកឧទ្ធម្ភាគចក្រក្នុងរឿង “MI6”
- 2018-07-25 08:00:00
- ចំនួនមតិ 0 | ចំនួនចែករំលែក 0
Tom Cruise ចំណាយពេលមួយឆ្នាំកន្លះដើម្បីរៀនបើកឧទ្ធម្ភាគចក្រក្នុងរឿង “MI6”
ចន្លោះមិនឃើញ
តារាសម្ដែង Tom Cruise ត្រូវបានគេចាត់ទុកថា ជាតារាមួយរូបដែលលះបង់បំផុតដើម្បី ថតឈុតឆាកក្នុងភាពយន្តដែលខ្លួនសម្ដែង។ ក្នុងនាមជាតារាល្បីមួយរូបខាងភាពយន្តវាយតប់ បាញ់ប្រហារ តារារូបនេះនៅតែបន្តធ្វើឲ្យអ្នកទស្សនាភាពយន្តលោកភ្ញាក់ផ្អើលជានិច្ចទោះបីជាមានវ័យ ៥៦ឆ្នាំក៏ដោយ។
កាលពីថ្ងៃទី ២៤ខែកក្កដា តារារូបនេះបានបង្ហាញខ្លួននៅក្នុងកម្មវិធី "The Tonight Show Starring Jimmy Fallon” ដើម្បីផ្សព្វផ្សាយភាពយន្តថ្មីរបស់ខ្លួន "Mission: Impossible Fallout” ឬ "MI6”។ នៅក្នុងកម្មវិធីនោះ លោកបាននិយាយពីបទពិសោធន៍សម្ដែង ក៏ដូចជាការលំបាកផ្សេងៗ។
ភាពយន្តនេះបានចាប់ផ្ដើមដំណើរការថតកាលពី ខែមេសាឆ្នាំ២០១៧ និងបញ្ចប់នៅខែមិនាឆ្នាំ ២០១៨ ក៏ប៉ុន្តែដំណើរការថតនេះពិតជាមិនងាយស្រួលនោះទេ។ Tom បានបញ្ជាក់ថាលោកបាក់ឆ្អឹងជើងដើម្បីថតឈុតមួយក្នុងសាច់រឿង គឺលោតពីអគារមួយទៅអគារមួយទៀត។ អ្វីដែលគួរឲ្យកោតសរសើរបំផុតនោះគឺ លោកចំណាយពេលដល់ទៅ ១ឆ្នាំកន្លះដើម្បីរៀនបើកបរ ឧទ្ធម្ភាគចក្រក្នុងឈុតមួយនៃសាច់រឿង។ គូសបញ្ជាក់ថាលោកបានរៀនបើកបរ មុនពេលដំណើរការថតជាផ្លូវការ។
បើចង់ដឹងកាន់តែច្បាស់ទស្សនាវីដេអូសម្ភាសន៍ខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
