អ៊ឹង សូឡាង រកឃើញម្ចាស់បេះដូងថ្មីហើយ ក្រោយបែកស្នេហ៍ នី មុន្នីនាថ

2018-07-26 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបញ្ចប់រឿងប្ដឹងផ្ដល់យ៉ាងស្ងៀមស្ងាត់ជាមួយតារាសម្ដែងទឹកភ្នែក នី មុន្នីនាថ ត្រូវជាគូអតីតដណ្ដឹងនៅសាលាដំបូងរាជធានី រួចមក ឥឡូវនេះលោក អ៊ឹង សូឡាង បានរកឃើញគូស្នេហ៍ថ្មីលើទឹកដីអាមេរិកហើយ។

បើតាមលោក អ៊ឹង សូឡាង ឲ្យដឹងថា គូស្នេហ៍ថ្មីគឺជាអាណិកជនខ្មែររស់នៅអាមេរិក។ លោក និងនាង បានស្គាល់គ្នាប្រហែល ២ទៅ ៣ខែហើយ អំឡុងពេលនេះកំពុងតែមើលចិត្តថ្លើមគ្នាទៅវិញទៅមក មុនឈានដល់ថ្ងៃភ្ជាប់ពាក្យ ឬចូលរោងការ។

ការបង្ហាញមុខគូស្នេហ៍ថ្មីដែលមានសម្រស់ស្រស់សោភាមិនចាញ់តារានេះ លោក អ៊ឹង សូឡាង សុំមិនបញ្ចេញឈ្មោះ ឬ អត្តសញ្ញាណអ្វីច្រើននោះក្នុងពេលនេះ។ ប៉ុន្តែលោកថា គ្រប់យ៉ាងនឹងបង្ហាញនៅថ្ងៃណាមួយ ប្រសិនបើពេលវេលាល្អមកដល់ លោកក៏មិនលាក់លៀមតទៅទៀតដែរ។

អ៊ឹង សូឡាង និងគូស្នេហ៍ថ្មី

“គាត់រស់នៅអាមេរិកដែរអូន គាត់មិនមែនជាកូនខ្មែររស់នៅប្រទេសខ្មែរនោះទេ គឺគាត់ធំធាត់ឡើងលើទឹកដីអាមេរិក។ ពេលនេះពួកយើងកំពុងតែមើលចិត្តគ្នាសិនមុនពេលគិតគូរពីពេលវេលារៀបការ"។ លោក អ៊ឹង សូឡាង បញ្ជាក់៕

អត្ថបទ៖ ឆុង ស៊ីណាន