អស់ទាស់! រឿង "Mission: Impossible Fallout” បញ្ចុះតម្លៃ៥០%ចុងសប្ដាហ៍នេះពី Smart VIP

2018-07-27 04:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្ត "Mission: Impossible Fallout” ដែលនាំយកមកដាក់បញ្ចាំងនៅប្រទេសកម្ពុជា ដោយ Sabay MVP បានចាប់ដាក់បញ្ចាំងនៅកម្ពុជាជាផ្លូវការចាប់ពីថ្ងៃទី ២៧ខែកក្កដានេះតទៅហើយ។ នេះគឺជារឿងទី៦ ហើយនៅក្នុងស៊េរីរឿង "Mission Impossible” ដ៏ល្បីរបស់តារាសម្ដែងល្បីជើងចាស់ Tom Cruise។

ភាពយន្ត MI6 នេះមានលក្ខណៈពិសេសជាច្រើន ដែលអ្នកអាចនឹកស្មានមិនដល់ ដោយមានតារាសម្ដែង Tom Cruise វ័យ៥៦ឆ្នាំជាផលិតករផ្ទាល់តែម្ដង។ ភាពយន្តនេះចំណាយដើមទុនផលិតដល់ទៅ ១៧៨លានដុល្លារ និងចំណាយពេលជាងមួយឆ្នាំដើម្បីថត។ ចំណុចពិសេស ចំពោះរឿងនេះគឺការសម្ដែងភាគច្រើនរបស់លោក Tom Cruise គឺសុទ្ធតែសម្ដែងដោយផ្ទាល់ខ្លួន មិនប្រើប្រាស់មនុស្សជំនួស (Stunt) នោះឡើយ។ ជាពិសេសឈុតឆាករថយន្តម៉ូតូប្រដេញគ្នា និងឈុតបើកបរឧទ្ធម្ភាគចក្រគឺសុទ្ធតែ មិនប្រើប្រាស់បច្ចេកទេសកុំព្យូទ័រជំនួយឡើយ។ នេះហើយបានជាឈុតឆាកទាំងនោះ គឺមើលទៅដូចជាកើតឡើងពិតៗអីចឹងដែរ។

ចំណុចពិសេសបំផុតមួយទៀតគឺ រឿងនេះគឺជារឿងដំបូងក្នុងសេរីរឿង "Mission Imopossible” ដែលបានប្រើប្រាស់បច្ចេកទេស IMAX ពោលគឺសហការផលិតជាមួយក្រុមហ៊ុន IMAX តែម្ដងធ្វើឲ្យ "Fallout” ជាភាពយន្តដំបូងដាក់បញ្ចាំងជាលក្ខណៈ 3D IMAX។

បើសិនជាលោកអ្នកចង់ដឹងឲ្យកាន់តែច្បាស់ ថាតើភាពយន្តនេះពិតជាល្អមើលខ្លាំងមែនឬយ៉ាងណា គួរតែទៅទស្សនាឲ្យបានច្រើនកុះករ។ Mission Impossible: Fallout ចាក់បញ្ចាំងចាប់ពីថ្ងៃនេះតទៅហើយនៅតាមបណ្ដារោងភាពយន្តទំនើបទាំងអស់នៅភ្នំពេញ និងខេត្តសៀមរាប ដោយមានប្រូម៉ូសិនបញ្ចុះតម្លៃ ៥០% ពី Smart VIP សម្រាប់ភាពយន្តនេះជាលក្ខណៈ 2D 3D គ្រប់សាខារបស់ Major Cineplex ទាំង ៣សាខា រយៈពេល៤ថ្ងៃ ចាប់ពីថ្ងៃទី ២៦ កក្កដា ដល់ថ្ងៃទី ២៩ កក្កដា ២០១៨ នេះ។