តាមយូរទើបដឹងថា តារាត្រកូល កែវ ច្រើនជាស្រីស្អាតនិងតារាសម្ដែងល្បី

2018-08-11 03:33:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងសិល្បៈ មានតារាជាច្រើនមានត្រកូលដូចគ្នា ដែលអ្នកគាំទ្រសង្កេតឃើញថា តារាស្រី ត្រកូល កែវ ជាច្រើនមានរូបសម្បត្តិស្រស់សោភា និងថែមទាំងមានភាពល្បីល្បាញក្នុងពិភពសិល្បៈ ទៀតផង។

បើតាម Page តារាខ្មែរ Cambodia ក្នុងនោះមានដូចជា អ្នកនាង កែវ មន្ថា កែវ កល្យាណ កែវ ពិសី កែវ ស្រីនាង កែវ ពេជ្រពិសី ព្រមទាំង កែវ នីសា ផងដែរ។

អ្នកនាង កែវ មន្ថា

ទោះមានអាយុជ្រេបន្តិចក្តី តែសម្រស់អ្នកនាង មន្ថា នៅតែស្រស់ស្អាត។បើតាម Movie Star Research បានបង្ហាញថា តារាជើងចាស់រូបនេះ បានប្រឡូកក្នុងសិល្បៈតាំងពីទសវត្ស៦០ ជាតារាសម្ដែង និងជាអ្នកចម្រៀងផងដែរ។ ខ្សែរឿង ដែលតារារូបនេះបានសម្ដែង មានដូចជា សង្សារឧត្ដមដួងចិត្ត សំណើចចំអកនៃព្រហ្មលិខិត គូកម្មទេបង ជំនោរកំពូលភ្នំ និង រឿង ចិត្តម្ដាយ ជាដើម។ រីឯ បទចម្រៀងរួមមាន បទ មួលភ្លៅ មិនយកទេប្ដីចាស់ គេហើយនិងបង ប្រហារដួងចិត្ត និងបទជាច្រើនទៀត។

រូបភាព៖ Movie star research

អ្នកនាង កែវ កល្យាណ

តារារូបនេះ ក៏នៅតែរក្សាសម្រស់បានស្រស់ស្អាត ស្ទើរតែគ្មានប្រែប្រួលអ្វវីបន្តិច កាលពីជាង១០ឆ្នាំមុន។ តារាសម្ដែងជើងចាស់រូបនេះ ធ្លាប់ធ្វើឲ្យប្រិយមិត្តមានការភ្ញាក់ផ្អើលកាលពីពេលថ្មីៗ ដោយបានប្រកាសដាក់លក់ផ្ទះធំ ហើយមករស់នៅផ្ទះតូចវិញ ដើម្បីយកប្រាក់មកផ្គត់ផ្គង់ការរៀនសូត្ររបស់កូនៗនៅប្រទេសអូស្រ្តាលី។ បច្ចុប្បន្នអ្នកស្រី កែវ កល្យាណ រស់នៅក្នុងរាជធានីភ្នំពេញជាមួយកូនប្រុសស្រី២នាក់ ដោយកូនស្រីបងអាយុ១៨ឆ្នាំ និងកូនប្រុសពៅអាយុ ១១ឆ្នាំ អ្នកស្រីបញ្ជាក់់ថាគ្មានបំណងវិលមកសិល្បៈវិញទេ។

រូបភាព៖ FB កែវ កល្យាណ

អ្នកនាង កែវ ពិសី

អតីតតារារូបនេះ ធ្លាប់ជាតារាត្រូវប៉ាន់ លើការសម្ដែងរឿង ថត MV ក៏ដូចជា ថតស្ប៉តពាណិជ្ជកម្ម ដោយសារតែរូបសម្រស់ស្រស់សោភា។ បន្ទាប់ពីបានសាងភាពល្បីល្បាញជាច្រើនឆ្នាំរួចមក អ្នកនាង កែវ ពិសី សម្រេចលាឈប់ពីសិល្បៈ ដោយហេតុផលហត់នឿយនឹងវិស័យនេះខ្លាំងពេក។ សព្វថ្ងៃ អ្នកនាង ត្រូវបានគេដឹងថា កំពុងមានជីវិតរស់នៅយ៉ាងសោយសុខ និងសម្រស់ស្អាតមិនចាស់តាមអាយុ។

រូបភាព៖ Page តារាខ្មែរ Cambodia

អ្នកនាង កែវ ស្រីនាង

ទោះចូលដល់វ័យជិត៤០ឆ្នាំទៅហើយ តែ កែវ ស្រីនាង នៅតែមើលទៅក្មេង និងស្រស់ស្អាត។ តារារូបនេះ បានសាងជីវិតមានគ្រួសារ ដោយបានលាពីសិល្បៈមួយរយៈ តែក្រោយមកក៏ត្រលប់មកជាថ្មី ។ កាលពីថ្មីៗនេះ អ្នកនាង កែវ ស្រីនាង មិនបានលាក់បាំងអ្នកគាំទ្ររបស់ខ្លួននោះទេ ដោយបានប្រាប់ថា ខ្លួនមានជំងឺឈាម ស ស៊ីឈាមក្រហម ដោយប្រើថ្នាំ ជាប្រចាំ តែយ៉ាងណា ក៏អ្នកនាងមិនបោះបង់អាជីពសម្ដែងចោលដែរ។

កែវ ពេជ្រពិសី

ប្រឡូកសិល្បៈមិនតិចជាង១០ឆ្នាំ កែវ ពេជ្រពិសី នៅតែរក្សាសម្រស់បានផូផង់។ ក្រោយពីរៀបការមិនបានប៉ុន្មាន ក៏លែងលះគ្នាវិញ ស្រីស្អាតរូបនេះ ហាក់ស្ងប់ស្ងាត់ពីការសម្ដែង ដោយបានចាប់យកការងារជាពិធីការីនីនៅស្ថានីយទូរទស្សន៍ធំមួយវិញ។

កែវ នីសា

អ្នកម៉េម៉ាយចាយរាងរូបនេះ នៅតែរក្សាបានសម្រស់ភ្លឺរលោង ទោះប្រឡូកក្នុងសិល្បៈយូរឆ្នាំក្តី។ ស្រីស្អាតត្រកូលកែវ នៅតែត្រូវបានអ្នកគាំទ្រ ចាត់ទុកជាស្រីស្អាត និងមានសម្រស់គួរឲ្យទាក់ទាញ៕