គូស្នេហ៍តារាហុងកុង Kevin និង Grace ដឹកដៃគ្នាចូលរោងការហើយ ឯភ្ញៀវចូលរួមសុទ្ធតែតារា TVB

2018-08-13 05:00:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចាប់ដៃគ្នាសាងសេ្នហាអស់រយៈពេលជាង ៣ឆ្នាំមក ពេលនេះគូស្នេហ៍តារាសម្ដែង Kevin Cheng និង Grace Chan បានរៀបការនឹងគ្នាជាស្ថាពរហើយកាលពីថ្ងៃទី ១២ ខែសីហា ក្រោមអំណរសាទរពីមិត្តភ័ក្ដិ ញាតិមិត្ត និងអ្នកគាំទ្រជាច្រើន។

តារាប្រុសវ័យ ៤៩ឆ្នាំ និងតារាស្រីវ័យ ២៧ឆ្នាំនេះបានភ្ជាប់ចំណងអាពាហ៍ពិពាហ៍នឹងគ្នាយ៉ាងផ្អែមល្ហែមនៅថ្ងៃនេះ នៅកោះបាលី ដោយមានការចូលរួមពីមិត្តភ័ក្ដិ និងសាច់ញាតិបងប្អូនជាច្រើន។

អំឡុងពេលកាន់ដៃគ្នាសច្ចានៅចំពោះមុខអ្នកគ្រប់គ្នាដែលបានចូលរួមក្នុងពិធីមង្គល គូស្នេហ៍វ័យខុសគ្នា ២២ឆ្នាំនេះបានសម្រក់ទឹកភ្នែក ហើយ Kevin បានប្រាប់ទៅប្រពន្ធថា៖ «បងនឹងមើលថែរក្សាអូនអស់មួយជីវិត បងស្រឡាញ់អូន»។

ងាកមកភ្ញៀវកិត្តិយសដែលបានចូលរួមវិញ សង្កេតឃើញថាម្នាក់ៗមានទឹកមុខរីករាយណាស់ ហើយភាគច្រើនសុទ្ធតែតារា ជាពិសេសតារារបស់ទូរទស្សន៍ TVB។ អ្នកទាំងនោះរួមមាន៖ Kenneth Ma, Natalie Tong, Stephen Wong, Jazz Lam, Wayne Lai, Michael Tong, Ben Wong, Raymond Cho និងតារាផ្សេងទៀតជាច្រើន៕