មើលរាង Huawei Mate 20 ក្បាលឆកតូច ដូច Oppo F9 ដែរ

2018-08-21 03:14:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រូវចាំដល់ខែសីហា ទើប Huawei Mate 20 បង្ហាញរូបរាងជាផ្លូវការ ប៉ុន្តែជាមួយនឹងការលេចធ្លាយរូបភាព Render កាលពីថ្មីៗនេះ អាចឲ្យគេដឹងមុនពីរូបរាងរបស់ត្រកូល Mate ជំនាន់ថ្មី។

រូបភាព Render ត្រូវបានគេបង្កើតឡើងដោយផ្អែកតាមរូបរាងពិតនៃស្មាតហ្វូនដែលគេបានឃើញផ្ទាល់ភ្នែក និងបង្កើតឡើងដោយវិបសាយ XDA Developers។ គួរបញ្ជាក់ថាគេមិនអាចមើលឃើញច្បាស់ពីរូបរាងខាងក្រោយរបស់ Mate 20 នោះទេ ហេតុនេះជឿជាក់តែរូបរាងខាងមុខសិនបានហើយ។

ដូចបានឃើញក្នុងរូបភាព Huawei Mate ស៊េរីថ្មីមានប្រើរចនាបថក្បាលឆកតូច ដូចគ្នាទៅនឹង Oppo F9 ដែរ។ នៅត្រង់ផ្នែកឆកមួយដុំនេះ ក៏មានបំពាក់នូវរន្ធសំឡេង ដែលអាចគួបផ្សំជាមួយរន្ធសំឡេងនៅផ្នែកខាងក្រោម បង្កើតបានជាប្រព័ន្ធសំឡេងបែប Stereo។

ផ្នែកខាងលើមានរន្ធដោតកាស 3.5 mm ខណៈផ្នែកខាងក្រោមមានរន្ធ USB Type-C ដែលប្រើសម្រាប់សាកថ្ម។ គេជឿជាក់ថាស្មាតហ្វូននេះនឹងមានកាមេរ៉ារហូតដល់ ៣ គ្រាប់នៅផ្នែកខាងក្រោយ និងមានទ្រនាប់ស្កេនម្រាមដៃផងដេរ៕

ប្រភព៖ GSMarena ប្រែសម្រួល៖ សុខហេង