ការងាររវល់ និងមានតម្លៃយ៉ាងណាក៏ Aaron Kwok សុំសម្រាកទៅធ្វើរឿងមួយឲ្យកូនដែរ

2018-08-22 02:24:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Aaron Kwok, Jennifer Yu និងអ្នកដឹកនាំរឿង Mamoru Hosoda បានចូលរួមក្នុងពិធីសម្ពោធព្រឹត្តិការណ៍ Summer International Film Festival ឆ្នាំ ២០១៨ កាលពីថ្ងៃទី ១៨ ខែសីហា។

និយាយក្នុងពិធីនោះ Aaron បានលើកឡើងពីនៅខែក្រោយ កូនស្រីរបស់ខ្លួនមានអាយុ ១ខួបហើយ ហើយខាងក្រុមហ៊ុននឹងអនុញ្ញាតឲ្យលោកឈប់សម្រាកមួយថ្ងៃ។ ថ្លែងអរគុណចំពោះកាដូនេះ Aaron បាននិយាយថា៖ «ខ្ញុំពិតជាអរគុណចំពោះក្រុមហ៊ុនណាស់ដែលផ្ដល់ថ្ងៃឈប់សម្រាកឲ្យខ្ញុំ។ ទោះបីជាមានការងាររវល់ខ្លាំងយ៉ាងណាក៏ដោយ ប៉ុន្តែពួកគេនៅតែយល់ពីខ្ញុំ និងដឹងថាខ្ញុំត្រូវការពេលវេលាជាមួយញ៉ាំអាហារឆ្ងាញ់ៗជាមួយគ្រូសារ ដើម្បីអបអរឱកាសពិសេសនេះ»។

តារាសម្ដែង និងចម្រៀងហុងកុងរូបនេះ បានរៀបការជាមួយស្រីស្អាត Moka Fang កាលពីឆ្នាំ ២០១៧ និងទទួលបានចំណងដៃកូនស្រីម្នាក់ឈ្មោះ Chantelle Kwok នៅឆ្នាំដដែល។ គ្រួសារមួយនេះរស់នៅយ៉ាងសុខសាន្តចាប់តាំងពីចាប់ដៃគ្នាចូលរោងការ មកទល់ពេលបច្ចុប្បន្ន៕