អុញនុះ! ម្ដាយ ប៉ុប រចនា ព្រួយបារម្ភទំនាក់ទំនងកូននិង ឆ័យលី ដាឡែន ក្រោយស្និទ្ធស្នាលជាមួយឪពុកធម៌ខ្លាំង

2018-08-22 03:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ដាយតារាសម្ដែង ប៉ុប រចនា មានការព្រួយបារម្ភចំពោះទំនាក់ទំនងកូនស្រីខ្លួន និង ឆ័យលី ដាឡែន ក្រោយនាង បង្ហាញភាពស្និទ្ធស្នាលជាមួយឪពុកធម៌វ័យក្មេងរូបនេះខ្លាំងពេក។

ការព្រួយបារម្ភធ្វើឲ្យម្ដាយ ប៉ប រចនា ហាមប្រាមកូនស្រីមិនឲ្យស្និទ្ធស្នាលជាមួយឪពុកធម៌ ដោយសារតែខ្លាច ឆ័យលី ដាឡែន មិនសប្បាយចិត្តហើយគិតថា នាងគឺជាជនទី៣មកជ្រៀតជ្រែកក្រុមគ្រួសារខ្លួន។ ម្យ៉ាងទៀតភ្នែកខ្លាចការរិះគន់ពីមហាជន និងអ្នកសិល្បៈមួយចំនួន។

ប៉ុប រចនា ថា៖" និយាយទៅខ្ញុំធ្លាប់គិតដូចគ្នាខ្លាចមហាជនរិះគន់ ជាពិសេសម៉ាក់ខ្ញុំគាត់ប្រាប់ថា កូនស្និទ្ធស្នាលជាមួយអាឡែនម្នាក់បានហើយ កុំស្និទ្ធស្នាលជាមួយប្ដីគេពេក ប្រយ័ត្ន អាឡែន ខឹង ហើយអ្នកជុំវិញខ្លួនក៏គេមើលមកអត់សម"។

ទោះបីជាមានការហាមប្រាមពីម្ដាយមិនចង់ឲ្យមានភាពស្និទ្ធស្នាលជាមួយស្វាមី ឆ័យលី ដាឡែន ជាពុកធម៌ក៏ដោយ ប៉ុប រចនា មិនបានបញ្ឈប់ទំនាក់ទំនាក់ទំនងមួយនេះដែរ។

ផ្ទុយទៅវិញនាង ថា៖" មានរឿងអីត្រូវឈប់បង បើខ្ញុំ និងគាត់ស្រឡាញ់រាប់អានគ្នាជាកូនធម៌ និងប៉ាធម៌មែន អត់មានគិតអ្វីលើសពីហ្នឹងទេ។ ម្យ៉ាងទៀតបងឡែន ក៏គាត់ដឹងហើយក៏មិនខឹងដែរបើខ្ញុំហៅគាត់ ថាម៉ាក់ពេញៗមាត់"។