ម៉ារីសា ប៉ះជាមួយ ឧសភា ជាគូស្នេហ៍ផ្អែមស្អិតក្នុងរឿងភាគថ្មី

2018-08-22 04:21:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តភាគទូរទស្សន៍ ចំណងជើងថា «ផ្កាស្លា» បានធ្វើពិធីក្រុងពាលីថតកាលពីថ្ងៃទី ២០ សីហា កន្លងទៅ។ បើតាមលោក ជុំ សុភា ផលិករភាពយន្ត និង ជានាយកផលិតកម្ម រាហ៊ូ បានឲ្យដឹងថា រឿងនេះជារឿងភាពធំទី២របស់ខ្លួនហើយ ដោយមានការចូលរួមសម្ដែងពីតារាវ័យក្មេងដែលមានទេពកោសល្យ ឆ្លងកាត់ការជ្រើសរើសយ៉ាងម៉ត់ចត់ ដើម្បីឱ្យត្រូវនឹងចរិតលក្ខណៈរបស់តួ។

កញ្ញា ម៉ារីសា

លោក ឧសភា

រឿងភាគ «ផ្កាស្លា» បង្ហាញដំណើរនៃសាច់រឿងស្នេហារបស់នារីឈ្មោះ មេត្តា ដែលជាតួឯកស្រី ត្រូវបានបុរសពីរនាក់ស្រលាញ់ ដោយម្នាក់មានអត្តចរិតល្អគ្រប់បែបយ៉ាង ព្រមជាមួយក្តីស្រលាញ់ដ៏កក់ក្តៅស្មោះអស់ពីបេះដូង រីឯម្នាក់ទៀតមានក្តីស្រលាញ់ដ៏ជ្រាលជ្រៅ ហ៊ានលះបង់អ្វីគ្រប់យ៉ាងដើម្បីនាង។ តែនាងមិនដឹងត្រូវជ្រើសរើសមួយណា។ សាច់រឿងនេះគឺសង្កត់ធ្ងន់លើអត្ថន័យនៃក្តីស្រលាញ់ជាចម្បង អ្វីទៅជាក្តីស្រលាញ់ស្មោះស្ម័គ្ររវាងបុរសនឹងស្ត្រី ព្រមជាមួយក្តីស្រលាញ់កក់ក្តៅពីឪពុកម្តាយចំពោះកូន និងកូនចំពោះឪពុកម្តាយ។

ក្រុមការងារផលិតរឿង «ផ្កាស្លា»

កញ្ញា សូរី យ៉ាន់

លោក ជី អូ

ភាពយន្តនេះសម្ដែងដោយ កញ្ញា ម៉ារីសា ជាតួឯកស្រី ប៉ះជាមួយលោក ឧសភា ដែលជាតួឯកប្រុស រួមជាមួយ កញ្ញា សូរី យ៉ាន់ លោកជី អូ ព្រមទាំងតារាកិត្តិយសជាច្រើនទៀត។ ភាពយន្តថ្មីនេះដឹកនាំផលិតដោយ លោក ជុំ សុភា ដែលត្រៀមចាក់បញ្ចាំងនៅស្ថានីយទូរទស្សន៍ CTN នាពេលខាងមុខ៕