ប្រើសុទ្ធបន្ទះឈីប Snapdragon 845 តែតម្លៃត្រឹម ៣០០ ដុល្លារ

2018-08-22 08:44:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីពង្រីកទីផ្សារក្នុងប្រទេសឥណ្ឌា ក្រុមហ៊ុន Xiaomi បានបង្កើតម៉ាកទូរសព្ទថ្មីមួយមានឈ្មោះថា POCO ហើយថ្ងៃនេះស្មាតហ្វូនដំបូងរបស់ POCO បានបង្ហាញជាផ្លូវការ មានលក្ខណៈសម្បត្តិខ្ពស់ និងតម្លៃធូរថ្លៃបំផុត។

POCO F1 គឺជាស្មាតហ្វូនប្រើនូវបន្ទះឈីប Snapdragon 845 ដែលមានលក់ក្នុងតម្លៃធូរថ្លៃបំផុត។ ក្រៅពីបន្ទះឈីបខ្លាំងស្មាតហ្វូននេះក៏មានលក្ខណៈសម្បត្តិពិសេសៗដូចខាងក្រោម ៖

អេក្រង់ឆកមានទំហំ ៦,១៨ អ៊ីញ អាចបង្ហាញរូបក្នុងកម្រិត ២២៤៨ x ១០៨០

កាមេរ៉ាខាងក្រោយមានកម្រិត ១២ MP + ៥ MP មានបច្ចេកវិទ្យា AI និងបច្ចេកវិទ្យាទប់លំនឹង EIS ពេលថតវីដេអូ

កាមេរ៉ាមុខមានកម្រិត ២០ MP មាន Aperture f/2.0 និងមានមុខងារ Portrait Mode
មាន RAM ទំហំ ៦ GB បូកនឹងអង្គផ្ទុក ៦៤ GB ហើយក៏មានប្រភេទ ៦ GB + ១២៨ GB និង ៨ GB + ២៥៦ GB ផងដែរ
ថ្មមានទំហំធំដល់ ៤០០០ mAh
អាចដោះសោដោយប្រើផ្ទៃមុខ

មានបច្ចេកវិទ្យាសាកថ្មលឿន Quick Charge 3.0
មានរន្ធដោតកាស 3.5 mm

មានកន្លែងដោតមេមូរីកាត ហើយអាចប្រើជាស៊ីមពីរ
ប្រើប្រព័ន្ធប្រតិបត្តិការ Android 8.1 Oreo

មានតម្លៃចាប់ពី ៣០០ ដុល្លារ, ៣៤៣ ដុល្លារ និង ៤១៤ ដុល្លារ

POCO F1 ក៏មានជាប្រភេទ Amored Edition ដែលផ្នែកខាងក្រោយមានស្រោបដោយសារធាតុពិសេស Kevlar មានលក់ក្នុងតម្លៃ ៤២៩ ដុល្លារ។ ស្មាតហ្វូននេះនឹងមានលក់ជាផ្លូវការនៅប្រទេសឥណ្ឌា នាថ្ងៃទី ២៩ ខែសីហាខាងមុខ៕

ប្រភព៖ Androidcentral ប្រែសម្រួល៖ សុខហេង